السلام عليكم انا دلوقتى اتخرجت السنه دى بس وانا فى سنه تالته جامعة فى شاب لفت نظرى وكان بيبوصلى كتير من بعيد لبعيد لدرجه كان بيدخل المدرج قبل المحاضرة يدور عليه كل يوم يشوفنى ويخرج قبل المحاضرة ما تبتدى وفضل كدة كتير اوىوفى مرة حاول يكلمنى بس انا اديته على دماغه وبعدا فضلنا كدة لحد الترم التانى لسنه رابعه واتعرف عليه عن طريق واحدة صحبتى زميله صحبه هو وكدة بقه فى مبرر لكلامنا مع بعض عادى وفعلا قربنا لبعض بس زماله بس وبعدا جاة اخر الترم قالى ان انا عاوز ارتبط بيكي وكدة وانا قولتله انا مش برتبط بحد قالى طيب بلاش عاوز اعرف لو انا ظبط امورى وللعلم هوبيشتغل اصلا ومعتمد على نفسه المهم قالى لو ظبط امورى وكدة انتى متقبلانى ؟؟؟ قولتله لا طبعا انت مش حقك تعرف رأىى فى اى حاجه وابتديت اكلمه بسخافه واقوله انا مبحبكش واكلمه بطريقه جامدة شويه وحتى قدام زمايلنا وهو كان بيستحملنى كتيير اوى واعد عمال يقنع فيه من شهر 3 اللى فات لحد دلوقتى وانا مش عارفه اعمل ايه انا مش عاوزة اعمل حاجه من ورا ماما ولا بابا ولا اعمل حاجه تغضب ربنا بجد ومعرفش اذا كان هو واخد الموضوع بجد ولا لا اصل هو كان بتاع بنات كتير بس طريقه كلامه معايا وكدة بتأكدلى انه ميعرفش حد انا عاوزة حل ابعد عنه خالص ولو اتصل اغير رقمى وايميلاتى واستحمل بقه ولا اعمل ايه انا مش عاوزة اعمل حاجه فى الاول قبل اى حاجه تغضب ربنا انا خايفه اوىىى بس انا بحبه فى الله يارييييييييييييت الرد
هموم البنات
انا بحبه بس مش هينفع اقوله حاجه خالص
اضيف بتاريخ: Tuesday, November 23rd, 2010 في 11:56
كلمات مشاكل وحلول: البنات, جامعة, حب, مشاكل البنات, مشاكل الحب, هموم البنات
بصي انتي تمام بس انتي لما قلك لو جتلك هتقبليني ولا مكنتيش تقولي ايوة ولا لا وكنتي تخلي واحدة صحبتك تقولة لو كنت بتحبا روح اتقدملها وسعتها هيبان كل حاجة ربنا معاكي
الولدالسافل ده ماينفعك يابنتي اقطع علاقتك به واتركيه للابد وصدقيني انومايحبك عاوزيتسلابيك وحق بنات ايه اكثرمنداعاجبك فيه ربي يهديك ويسترعليك
السلام عليكم انا ممكن اقولكم حاجه وتردو عليا انا عمري مكلمت حد في حياتي ولا عملت حاجه تغضب ربنا ومكنتش بعمل تصرف غير لما ارجع لماما بس فجاه ابن خالتي دخل حياتي وهوا علقني بيه من غير ميحس وانا لتربيتي عمري مقدر اقوله اي حاجه وبحكي لاامي وهيا محتاره زيي ومش عارفه اعمل ايه
سلامو عليكو (بصى بقى اكتر حاجه هتخلصك من اليى انتى فيه انك تقولى لممتك وعلى فكره متخافيش انتى اتصرفتى صح
واضح من كلامك انك عاقله ومحترمه وبتخافي الله ومتربيه.الله ينور عليكي اوعي تكلمي حد لان الشباب كلهم بيدخلو علي البنات من المدخل ده او من غيرو حسب نوع البنت.. اللي عاوزك قوليله اتفضل البيت اما يصاحبك ويكلمك سنه واتنين وبعدها يخلع وتكون الكليه كلها عرفت ان فلانه كانت مصاحبه فلان ده نظام مايرضيش ربنا..مافيش احسن من الحب الحلال
اختى واضح انك انسانة كويسه
بس نصيحة اخ ابعدى عنه خالص وغيرى ارقامك وايميلاتك وهو لو عايزك فعلا هيوصلك زى ماوصلك وهيتقدملك وهتفضلى كبيرة فى نظره
اما لو فضلتى معاه هتصغرى فى نظره وعمره ما هيفكر يرتبط بيكى
خليكى زى مانتى غالية وبلاش ترخصى نفسك متفكريش فيه
هو لو بيحبك وغرضه الارتباط الصادق هيجى يخبط على بابك ويتقدملك
لو متاكده انك بتحبيه وفهمتوا بعض كويس ..اطلبى منه انه يتقدملك رسمى
لو مجرد معملش كده ابعدى عنه وغيرى ارقامك وايميلاتك لان ممكن بيتسلى بيكى ولما صدتيه فى الاول كبرت الحكايه فى دماغه و عايز يرضى غروره.
لو قالك مش هيقدر يطلبك دلوقتى والظروف مش مناسبه وانه عايز يقابلك عشان تعرفوا بعض اكتر..متصدقيش وابعدى عنه.
واهم حاجه انك بعد ماتبعدى عنه متفكريش تانى ولا تنتظرى انه يرجع وانك عايزه تشوفيه..اشغلى نفسك باى حاجه..عشان مترجعيش وتقولى ” ياريت اللى جرى ما كان”
اولا ازيك عامله اى بصي انا اتعرضت لمواقف زى دى في الاكاديميه بتاعتي وكنت بسد برضو اصل مش اى حد يقولك هاتجوزك يبقي هايعمل كدا فعلا ما الكل بيتكلم حاجا دلوقتي الكلام عمتن انتي باين عليكي محترامه واحسلك خليكي زى مانتي وسبيها علي الله
السلام عليكم انا من راي الشخصي لو هو شاب مناسب وانتي شيفة انة جاد في طلبة طب لية الممنعة افتحي الباب وخلية يجي يتقدم رسمي وانتي هتعرفي نواية وكدة انتي ماعملتيش حاجة غلط ولا عيب وتريحي نفسك وترتاحي اما لو عوزة تبعدي عنة خالص فدا في ايدك لو هو بيتصل عليكي عرفية انك موش لية ووجهية ولو هو شاب كويس هيعرف ويفهم وربنا يوفقك