هموم الشباب

تغيرت بعد النت نفسي ارجع زي زمان

..انا عندي 19 سنه في كلية التربية عندي مشكله هي اني بقالي فترة بفكر بطريقة وحشه وبقيت بدخل الشات وبكلم ناس مش كويسه مع اني في صغري لحد التالت سنين الي فاتو قبل مدخل النت مكنتش اعرف اي حاجه في اي حاجه كنت ساذج خالص دخلت النت وعرفت حاجات من الشات اول مره اعرفها ولحد الاسبوعين الي فاتوا قلب الموضوع معايا لكلام مع ناس مش كويسه مع اني في الاول مكنتش بحب الناس الي بتتكلم كده ولحد دلوقتي مش بحبهم وفاجئه ببص لقيت نفسي دخلت الطريق ده وحاولت كتير اني اخرج من الطريق ده كل مفكر في ربنا وفي ان لو صحابي عرفوا اني كده هيبقى رد فعلهم ايه مع ان ده بيحصل غصب عني بحس ان حد تاني هو البيحركني ويخليني اعمل كده كذه مره احاول اخرج من الطريق الوحش ده وادعي ربنا لدرجة اني ساعات بفتكر حالي ده بعيط ازاي بقيت كده نفسي ارجع زي زمان معرفش اي حاجه المشكله حتي لو مبقتش اكلم ناس وحشه والا اقراء حاجات مش كويسه انا دخل جوه دماغي افكار مش كويسه ومش عارف اطلعها هتفضل طول عمرها ذكره عايشه معايا انا والله من جوايا كويس ونفسي افقد الذاكره عشان معملش كده تاني نفسي حد يكون مر بنفس تجربتي يعرفني خلص منها ازاي نفسي اكلم صحابي واعرفهم طريقة تفكيري بس اكيد هما هيقولوا اني مش كويس ومش هيقدروا اني بعمل كده عشان اعرفهم الجانب الوحش فيا واني عايزهم يقفوا جانبي ويبعدوني عن الطريق ده انا ولد واكتر اصدقاء ليا يعتبر بنات اعرفهم من الفيس لاني مليش علاقه بالبنات في الحياه العامه ولو حد هيقول اني بتاع بنات والكلام ده هقولك اني بكلم بنات لاني لقيتهم بيسمعولي اكتر من صحابي الولاد في مشاكل ممكن احكيها لصحابي الولاد يفضلوا يتريقوا وياخدوا الموضوع ببساطه زي موضوعي ده كده معلش طولت عليكم ارجوكم سعدوني

مشاكل وحلول ذات صلة

اضيف بتاريخ: Saturday, November 23rd, 2013 في 05:51

كلمات مشاكل وحلول: , ,

5 رد to “تغيرت بعد النت نفسي ارجع زي زمان”

  1. ahmed
    05/12/2014 at 14:48

    لو انتا عايز تسيب الموضوع ده بجد لازم تلاقي شئ في حياتك يحل مكانه عشان متقاومش كتير يعني دور علي حاجه في حياتك بتحبها وقضي فيها وقتك وامسح الاكونتات بتاعتك علي مواقع التواصل الاجتماعي وامسح اصدقائك عشان لما تيجي تدور عليهم معتدش تلاقي حد وبعد كام يوم هتلاقيك رجعت لنفسك زي الاول

    قَـيّـم هذا الحل: Thumb up 2 Thumb down 0

  2. صفية الجزائرية
    09/06/2014 at 13:35

    انا حصلي مثلك تماما لكن مرة سالت شب ترضى على اختك تكلم شب على السكايب قالي انا ما ارضى على اختي تذخل هون من ذاك اليوم حلفت ما ادخل مواقع التواصل الاجتماعي و انا اشكره على الاهانة التي تيقضتني

    اللهم اني اسالك ان تهدي عبادك الى صراطك المستقيم

    قَـيّـم هذا الحل: Thumb up 2 Thumb down 0

  3. تــائهــــــة إلا حيث لا أدري
    13/12/2013 at 18:06

    اول حاجه حاول تحافظ على وردك اليومي
    وحتى لو جت الافكار دي بعد كده سيب النت علطول واستعيذ بالله بانية انه يحميك من الشر ده مع حضور قلبك طبعآ وحاول توصل الاستغفار 70مره
    وربنا يحمينا جميعأ من كل شر

    قيم هذا الحل سلباً او ايجاباً: Thumb up 8 Thumb down 0

  4. صل علي النبي :)
    29/11/2013 at 08:01

    السلام عليكم ورحمة الله وبركاته
    أخي حاول واستعن بالله أن تبتعد عن الشات وكل أماكن الفتنة .. غض بصرك ولا تحادث البنات والنساء .. فهذا لا يرضي الله عز وجل وإن كان غرضك طيبا أو حسنا ! فالنية الصالحة لا تصلح العمل الفاسد

    تب إلي ربك وارجع إليه وسيقبلك .. إن تبت أخي وبحثت عن الصحبة الصالحة ودعوت كثيرا أن يهديك الله ويثبتك ستذهب كل همومك وسيبدل الله حياتك للأفضل ..

    فقال تعالي ” ومن أعرض عن ذكري فإن له معيشة ضنكا ” فما بالك من أقبل إلي ذكره عز وجل ؟

    وتذكر كما تدين تدان : كما تحب أن لا يكلم أي شباب أختك أو زوجتك أو ابنتك فلا تحادث بنات الناس !!

    صدقني لن تجد الصحبة الطيبة إلا في أهل المساجد ودروس العلم الشرعي ( عن تجربة شخصية )

    أنصحك بأن تلزم الاستغفار ..

    لا تدنس فطرتك وتجعل الشيطان يفرح فيك .. غيظه وكيده وما تعملش كدة .. حافظ علي حيائك وأدبك .. وإن هاجمك الناس أو شتموك أو استغربوك .. بدأ الإسلام غريبا وسيعود غريبا كما بدأ فطوبي للغرباء ~~ أو كما قال رسول الله صلي الله عليه وسلم

    قيم هذا الحل سلباً او ايجاباً: Thumb up 6 Thumb down 0

  5. أختك
    28/11/2013 at 18:38

    سهل جدا اضا كانت توبتك نصوحة فأفضل شيء هو
    1 ان تقفل تماما من صفحاتك جميع الاصدقاء بدون استثناء كلما اردت فتحه لا تجد احدا وبهذا لن تجد مع من تتكلم وستقفل .
    2 جرب ان تبتعد قليلا عن الانترنيت وعلمه مثلا ان لا تدفع فاتورة شهرين وبذلك سينقطع وستجدك نفسك مرتاحا نفسانيا
    3 اجلس مع عائلتك وقتا أكثر مع والدتك والدك فهذا سيجعلك قريبا أكثر منهما وبذلك ستحس بمدى حبهما لك و ستسحيي تن ترجع لتلك الافعال مرة اخرى
    4 صل في المسجد فهذا سيجعلك تحب التقرب أكثر من الله وحاول ان تقرأ كل يوم القران
    5 لا تنم الا وانت طاهر ومتوضئ
    ا6 اسمع أكثر للشيوخ مثل خالد الراشد.عائض القرني .عمر عبد الكافي .راتب النابلسي….
    انصحك ان تسمع للمغسل الموتى الذي يروي قصص حقيقية لحالة الموتى حسب اعمالهم في الدنيا فهذا سيجعلك تبتعد كليا عما تفعله
    اتمنى لك الهداية

    قيم هذا الحل سلباً او ايجاباً: Thumb up 6 Thumb down 0

اترك رداً أو حلاً لهذه المشكلة