عندي ٢١ سنة بابا جه من الشغل وكنت لسه راجعة من الجامعة والشغل وانا كنت من ٦ الصبح لحد الساعه ٩ في الشارع زي كل يوم ف كنت نايمه تعبانه وبقول ل أختي اقفلي النور راح جي بكل قوه بالحزام ضرب جامده على كل جسمي وضرب ب الاقلام على وشي لدرجة ان عيني بتعمل شرار وجسمي بقي فيه خطوط زرقه من الحزام.
وامي واختي مش قادرين عليه وهو كل ال على لسانه اخدمي نفسك بنفسك ودي مره من مراااات كتير من وأنا صغيرة.
مع العلم أن أختي دي متجوزه وانا وال بقعد في البيت لوحدي دائما في الاوضة لوحدي واخذت قرار الشغل علشان اقضي وقت واشغل نفسي وماما دايما مشغولة بمرض جدتي (ام بابا) ف دايما بحس اني وحيده.
ده غير انه دايما بيقلل مني ومن كليتي علشان قرايبي ال في نفس سني دخلوا كليات بالنسبة له أنها حلوه، مع العلم أن انا مجموعي كان أكبر منهم بس هما دخلوا كليات بفلوس احنا حالتنا المادية كويسه بس انا مكنتش عايزة ادخل اي حاجه خاصه لاني عارفه أنه هيذلني زي ما ذلني بفلوس الدروس.
انا مش بكرهه بالعكس أنا بحبه وبخاف عليه من اي حاجه، بس هو مش بيديني فرصة أن افهمه انه مينفعش يضربني انا وانا بضرب بكتم نفسي وصوتي علشان محدش من الجيران يسمع صوتي هيقولوا ايه عندها ٢١ سنة وبتضرب ليه؟
بس هو مش بيقبل اي نقاش وللاسف هو أكبر واحد من اعمامي ف مش لاقيه حد أشتكي وأمي لما بتحاول تكلمه بيزعق جامد ويخرج من الاوضه ويرزع الباب.
انا تعبانه نفسيا ودايما حاسه اني متهانه وان نفسي حد يبقي حنين عليا ماما لما بتشوف الزرقان ال ف جسمي ووشي الوارم بتقعد تعيط وتقولي ربنا يعوضك بزوج حنين عليكي.
نفسي في حل انا مش باخد مصروف من ساعة ما بقيت بشتغل ومش بطالبه بحاجه، بس انا نفسي يعرف إني بنت جسمي حساس ونفسيا حساسه واني مش حرامي أو حتي غلط مثلا ف بيعلمني ب اسلوب الضرب بيضربني علي اتفهه الأسباب ساعدوني بليزززززز 💔
