مشاكل العمل

ازاى تحويل عملات محلية بالدولار واستفيد منها

السلام عليكم .انا شاب مصرى 22عام كنت ادخر مبلغ فى كتب البريد قيمته 15الف جنيه مصرى اثناء العمل فى فترة الاربع سنوات كليه ولما لقيت سعر الدولار بيرتفع كل يوم قلت ليه ما ادخلش سوق العملة ده .تكمن مشكلتى هنا انى معرفش حاجة فى المجال ده يعنى ازاى ابدل الفلوس بالدولار ومن اى مكان وهل البنوك تتيح تبديل الجنيه بالدولار ام من اى مكان وهل هذا المكان يبيع الدولار بسعر اعلى من البنوك وازاى بعد كده ابدل الدولار بعد الارتفاع يا جماعة لو سمحتوا لو ممكن اى شخص يعرف معلومة عن المجال ده ولو بسيطة يفيدنى بها بسرعة ولكم جزيل الشكر تحياتى

مشاكل وحلول ذات صلة

اضيف بتاريخ: Thursday, April 18th, 2013 في 22:49

كلمات مشاكل وحلول: , ,

ردود to “ازاى تحويل عملات محلية بالدولار واستفيد منها”

  1. Amr Farghly
    13/01/2015 at 15:07

    اولا سوق العملة التغير فيه بيبقى بالقروش وبالتالى الدخول فيه للارباح لابد ان يكون بمبالغ كبيرة حتى تستطيع ان تشعر بالمكسب
    ثانيا ابتعد عن البنوك فى المعاملات دى لانهم بياخذوا فروق كبيرة فى تحويل سعر العملة
    ثالثا .. بالرياضة نفترض ان سعر الدولار اليوم مثلا 8جم معنى ذلك لتتملك 1000$ لابد ان تملك 8000جم لو تم فرض بسيط ان زاد السعر الى 8.25جم فان 1لمكسب من 8000جم هو 250جم وهذه الزيادة لاتحصل من يوم وليلة ولكنها حسب عرض السوق وطلبه وبالتالى سيتطلب ذلك منك متابعة حركة العملة بصورة يومية فستجد فى نهاية الامر مجهود كبير بمكسب قليل
    رابعا .. اكثر المستفيدين من حركة العملات هى مكاتب الصرافة اللى انت المفروض هاتتعامل معاهل لانها بتضع نسبة ثابتة لها فى البيع والشراء يعنى لو السعر 8جم لما تروح تشتريها منه هايديهالك 8.10جم مثلا ولو وصل السعر 8.25جم وهاتروح تبيعها هايخدها منا 8.15جم مثلا النسبة بتاعته فستجد فى النهاية لوتم الفرض ان السعر زاد مكسبك ضئيل جدا

    ولذلك لا انصحك الا فى حالة اردت ان تحتفظ بالمبلغ اللى معاك فى شكل دولارات بدل من المصرى على سبيل ان الدولار كعملة تحتفظ نوعا ما بقيمتها النقدية عن الجنية المصرى

اترك رداً أو حلاً لهذه المشكلة