السلامُ عليكم:
عندي مشكلة مع أبويا بسبب المذاكرة، أنا أُجبرت على الدراسة في كلية الآداب English, وأنا ما بحبش الإنجليزي أصلا، ومع ذلك دخلت بس عشان أرضيه هو وأمي، المشكلة دلوقتي أنا في السنة الثانية وكل ما باجي أذاكر بحس إني مجبر وبعمل حاجة غصبا عني.
أنا بجد تعبت، وحصلت مشاجرة رهيبة بيني وبين أبويا بسبب الموضوع دا، وخدت قرار إني ما أكملش وأروح كلية تانية السنة الجاية، خدت رأي ناس كتير، إزاي أظبط القصة دي مع أبويا؟
وإزاي أقدر أصلح من نفسي، وخصوصا إنه ما عندوش استعداد يتقبل أي حل غير إني أكمل في الكلية اللي أنا فيها لأنها من وجهة نظره السبيل الوحيد عشان ألاقي شغل بعد ما أتخرج.
بجد مفيش حد جاب لي حل ريحني، أرجوكم ساعدوني، ولكم خالص احترامي وتمنياتي بالتوفيق للجميع.
مشاكل عائلية
خلاف مع ابى بسبب المذاكره
اضيف بتاريخ: Sunday, February 24th, 2013 في 17:30
كلمات مشاكل وحلول: شاب, مشاكل, مشاكل الشباب
يا اخى العزيز رضا ولديك اهم من التعليم ومن اى شئ فا انا افضل انك تكمل قى تعليم باباك عشان حتى لا قدر الله توفو فيكونو رضيين عنك
خطأ الاباء انهم يحددون مستقبل أبنائهم كأنها محاولة لتعويض فشل الاب في التعليم المفروض أن يختار الطالب نوع الدراسة التي توافق ميوله ومواهبه ةأن يكةن بيحب هذه الدراسة بعيدا عن مكتب التنسيق رأيي ان تستمر بهذه الكلية ولا تضيع السنين من عمرك كلها سنتين وتتخرج حاول أن تستمتعي بدراسة الانجلش وأقنع نفسك دائما أن اللغة مهمة في حياة الانسان المعاصر ليطلع على أداب الدول الاجنبية ويعرف عاداتهم وتقاليهم وان الانسان الذي يجيد اللغ الاجنية ميزة وتفرد له وتجعله متميز ومتفوق عن زملائه اجعل عندك شوق ولهفة لتعلم تلك اللغة وحاول التحاور والشات مع الاجانب لتزيد لغتك وتكون دافعا لتعلم المزيد منها بالتواصل مع أصدقاء أجانب اجعل الدراسة استمتاع وحب لمعرفة المزيد والمجهول لك من حياة الغرب حب ماتعمل ولاتعمل ماتحب
سلام عليكم ياأخى الحبيب…
أنا عايز أقولك أن كل قبل كل شئ أن ما يحدث شئ لنا ولا ندخل فى أمر الا بأذن الله فكم من أناس تمنين أن يدخلوا كليات يريدونها ولكن الله لم يأمر بذلك وكتب لهم طريق معين أنا مش حقولك أنا أبوهم أو والدتهم هما اللى بيأمروهم بكدة ولكن دعنا نقول أن كل هذا مكتوب عند الله ……
كان هذا الكلام عموما أما أذا دخلنا لمشكلتك حبيبى خصوصا وبالتطبيق فى كلامنا من الأول لا بد وأن تعلم أن الله أختار لك الطريق هذا اللى هى الكلية اللى أنت فيها وماشاء الله عديت سنة أولى ودخلت سنة تانية فبدل ما تتخنق أحسن شوف أيه اللى مضايقك حاول تفتح كتب وذاكر حاول تفرح والدك بيك مثلا وحسسه أن أنت فاهم اللى بتذاكره لأنه كانت رغبته انا عارف حتقولى أن انا مش طايق مذاكرتها حقولك أنت عديت فى أولى وأكيد أخدت على رتم المذاكرة وشكلها بص يااحبيبى بدل ما تضيع سنيتين من عمرك عالفاضى وتروح كلية أخرى كمل فيما أنت فيها وياسيدى ربنا هو من قال ..”عسى أن تكرهوا شيئا ويجعل الله فيه خيرا كثيرا ”
توكل على الله وأهتم بنفسك وأرضى أبيك وأهتم بمذاكرتك
والسلام عليكم
بس حب اللي انت فيه واللي انت بتعمله وتاكد ان كل شيء بيحصل بارادة ربنا و بعدين الانجليش دلوقتي بقي حاجة مهمة جدا جدا يعني لازم علشان الشغل
لعلمك كل اللى بيدخلوا الكليات يكون ده بسبب المجموع مش عشان رغبتهم كده … إستمر فى كليتك وحاول تحصل على النجاح فقط وتقدير مقبول، وجهز نفسك بالمذاكرة فى أجازة سنة رابعة فى كتب كلية بتحبها … حتندم طول عمرك لو تركت الكلية دى بعد ما تعبت فيها سنتين فماتسيبهاش … كمان الإنجليزى حيفيدك جدا، مثلا فى الشغل فى شركة وفى تصفح النت وفى السفر للعمل بالخارج … وأخذك لكليّتين شئ رائع فى نظر المجتمع وفى الإنجاز فى حياتك.