انا عندى 16 سنة مستخدمتش لغاية دلوئتى اى حاجة لازالة الشعر فى اى منطقة اياً كانت، لكن انا مدايقة من حواجبى ومش شيفاهم حلوين.
انا كل الناس الحمد لله يعنى بيقولوا ان حواجبى جميلة، بس دول الناس الكبيرة.
انما انا صاحباتى علشان فى اولى ثانوى محللين حكاية انهم يعملوا حواجبهم وبيتريقوا ان انا عندى شعر فى النص بين حواجبى.
انا اتخنقت يعنى ومش عارفة افاتح ماما فى الموضوع ده، وخصوصًا ان انا لما كنت بقولها صحابى بيعملوا حواجبهم تقولى لسه صغيرين وبيعملوا اي، وحاجات كده مكسوفة اقولها.
اعمل ايه حتى لو انا شلته لنفسى، اولا انا معرفش اشيله ازاى اساسا،
ثانيا ماما هتاخد بالها اكيد،
اقنعها ازاى؟
هههههه… يابنتى خلى عندك ثقه بنفسك الكبار بيقولولك انك حلوة وحواجبك جميله.. ليــــــــــــه تمشي وراء بنات تافهه ومش عايزة غير بالمصرى ((تصيـــــــــــــع)). اولا لعبك في الحواجب حرام شرعا… اهتمى بدراستك وتفوقك وخلى جمالك طبيعى.. لا تتصنعى لتعجبي حد… فضلا عن انك لو ابتديتى. فالطريق دا دلوقت… مستقبلك حيضيع واهتمامك باعجاب الشباب ونظراتهم ليكى لن ينتهـــــــــــــى. ركزى فى دراستك
حكيلهم لصاحباتك إنك ما بتخدعي الرجال اما هنن فمستعدين يعملو أي حاجة لأجل الرجل حكيلهم انك راغبة تكملي دراستك و مش مهتمة بالشباب حاليا و انصحيهم بأن لعن الله النامصات و لا يهموكي أبدا بالعكس الحواجب وقت ازالتهم بتذهب البراءة من الوجه و تصبح الشابة في العشرين تبدو كالثلاثينية ..
النصيب مكتوب بالسماء سواء كنتي حلوة او لاء فلا تعملي أي حاجة تغضب ربنا ..