مشاكل البنات قبل الزواج

والدتي تأخر في خطوبتي بسبب اختي الكبيرة

انا سني 22 سنة واختي الكبيرة سنها 26 سنة وملناش اخوات تانين

المشكلة اني عندي اخت اكبر مني لسة متجوزتش ولا اتقدم ليها حد غير مرتين واحد طفش من طريقتها والتاني مش عاجبها
اسلوبها مع الناس وحش وطبعها لا يطاق بتتنك على الناس ومعاملتها وحشة جداا هي حلوة في الشكل لكن بسبب طبعها محدش بيتقدم

حصل واتقدملي كتييييييير ودة بياثر في نفسيتها لاني بيتقدملي اكتر منها وكمان اني احلى منها بس طبعي حلو مع الناس
اللي دخلوا قلبي ووافقت ماما تقولي ماشي وتبتدي تاجل في الموضوع مع العلم ان والدي متوفي

والدتي بتلتمس لاختي اي حاجة وبتصعب عليها وبتحبها وبتقول دي الكبيرة ونفسي تتخطب الاول
وعلقتني بواحد جاامد وقعدت تاجل لحد ما كرهته

بس المرة دي بقى جالي واحد دخل قلبي كل حاجة بحبهااا فيه نفسي يفضل جنبي ومطمنة ليه
ماما وقتها كان اختي اتقدم ليها احد العروسين وكانت فاكرة انها هتتخطب قبلي بشهور ووافقت عليا انا كماان
وفرحت ليا ووافقت على اللي جالي واتفقوا على وقت الخطوبة
ولما اختي موضوعها اتفركش بسبب معاملتها السيئة

ماما بدأت تحجج لخطوبتي وتقولي الوقت بدري ولسة ودة لعب عيال ازاااي وانا عندي 22 لعب عيااال
طيب قولوا ليا الحل افرضوا اختي مش اتجوزت خالص انا هفضل قاعدة
انا عندي احساس واتخنقت من اعدتي كدة وبجد مرتاحة وليه ونفسي يبقى ليا بيت

دة غير اختي اللي بتقوي ماما عليا ومش عايزة تنصفني وبتبص ليااا في كل حاجة وفكرااني واخدة ازيد منها واللي معاها قليل
حاسة انها مخدتش ولا حاجة وانا اخدت منها كل حاجة وبتغير لما اكلم اللي متقدملي وتقولي يا بختك وزهقت بجد ومش لاقية حل

اعمل ايييه

مشاكل وحلول ذات صلة

اضيف بتاريخ: Tuesday, January 16th, 2018 في 17:13

كلمات مشاكل وحلول: , , , ,

ردود to “والدتي تأخر في خطوبتي بسبب اختي الكبيرة”

  1. ابوالبتول
    22/04/2018 at 21:37

    لا يابنتي الوضع ده مخالف لشرع الله عزوجل ولاحد يقبل به على الاطلاق وحرام امك تظلمك وتحرمك من الزواج علشان اختك الكبيرة ماحدش جاء لها او مافيش نصيب انها تتزوج الموضوع ده يحتاج تدخل من احد من اقاربكم جدك او جدتك او عمك او خالك او خالتك علشان يفهموا الست امك انها غلطانة في اللي تعمله ولايجب ان تمنعك من الجواز اذا جاك نصيبك مع ابن الحلال اللي يستاهلك واختك الكبيرة ربنا بيكرمها هي الاخرى ويجييها نصيبها وان شاء الله امك تقتنع بكلام اقاربكم ولا تقف في طريق سعادتك ابدا مافيش ام ماتتمنى ان احد من بناتها تتزوج وتفرح بهم لكن العادات والتقاليد اللي عفا عليها الزمن لازالت معشعشة في دماغ الكثير من الناس ولابد ان يتخلوا عنها ويرضوا بلقسمة والنصيب في هذة الحياة ويسهلوا على بناتهم واولادهم الزواج ويدوروا لهم عن الستر والحلال في هذة الدنيا والله الهادي لسوا السبيل

اترك رداً أو حلاً لهذه المشكلة