انا طبيبة حديثة التخرج ابلغ من العمر 23 سنة ومنذ عملي بالمستشفي رأيت من جذب انتباهي من النظرة الاولي ولكن للاسف عندما سألت عنه وجدته مطلق ثم تزوج مرة اخري وعنده منها طفلين صغيرين ولكني رغم كل هذا افكر فيه جدا ولا اري غيره ووجدته يبادلني نفس الاهتمام بشئوني وشغلي ويعلق علي عملي ويقف يساعدني ويعلمني باخلاص يسأل عني اذا تأخرت بدأيحكي لي عن همومه والمصاعب التي قاس منها وانا احب ان اسمعه وان استفيد من خبرته الواسعة هو اكبر مني ب 12 سنة وطبيب ناجح ومشهور جدا واجدني ايضا احكي له عن همومي وعن تجربة فاشلة من حياتي السابقة وارتاح جدا للكلام معه ولكني بمجرد ان اتركه ضميري يأنبني جدا ولا استطيع السيطرة علي نفسي او منع نفسي عنه فانا اشعر اني احبه جدا ف البداية كنت اخاف منه لانه كان بيهاديني حاجات كتير خاصة بشغلنا وكنت بقبلها منه وكنت خايفة منه بس لما بدأت اتكلم معاه ارتاحت له واطمنت له انا مش خرابة بيوت وعمري ما كنت كده ومش عايزة اكون كده ارجوكم تردوا عليا وتقولولي اعمل ايه انا نفسي ابعد عنه بس مش قادرة انا لا انام واعصابي مضطربة جدا ودايما ونفسي ارتاح هو كمان مش مستقر اسريا ومش سعيد مش عارفة انا ليه بعمل كده انا اهلي ناس محترمين جدا وابي وامي مستقرين وهاديين ووحياتنا مستقرة بس انا غصب عني لقتني بحبه هو وبس
مشاكل البنات قبل الزواج
اللي بحبه متزوج مرتين وعنده طفلين
اضيف بتاريخ: Wednesday, November 24th, 2010 في 22:29
كلمات مشاكل وحلول: زواج, طبيبة, مشاكل البنات, مشاكل الزواج, مطلق
حصل معي نفس الموقف مثل مشكلتك دي كنت شاب ابلغ من العمر26سنة وحاصل على شهادة الهندسة وتوظفت في شركة خاصة يديرها رجل اعمال ثري وتوفي هذالرجل وكانت بنته الكبرى تقوم بادارة الشركة وتاتي لمتابعة العمل فاعجبت بي وباخلاصي ومثابرتي في العمل وصارت تتودد الي وتريد التعرف على اكثر فاي شاب طموح وتقابلة فتاة ثرية ومتعلمة يتمنى الارتباط بها لكنني رفضت كل محاولتها وعرفت انها فتاة مش كويسة ومتحررة في حياتها وعاوزه تمتلك اي شي تشوفه في هالحياة بعد مارفضت محاولتها معي صارت تكرهني وتدبر لي المكايد حتى تتخلص منى واتهمتني بعدم النزاهة في العمل وفوق كلهذا دبرت لي عملية اختلاس قذرة وادخلتنى السجن وانا بري ومظلوم ولكن الله عزوجل اظهر براتي من كل هذي التهم ونجاني من شرها وتركت العمل عندها ورحت اشتغل في شركة اخرى واكرمنى الله بالزواج من امراة صالحة كانت اخت احد زملائي في الشركة وتزوجتها وانجبت منها اولاد وبنات وتحسنت احوالي المادية وصرت اخذ مقاولات خاصة بي وانفذها والحمدلله على كل حال واشكر فضله على كل هذي النعم التي لاتعد ولاتحصى
اختي انت طبيبة وشابة ولسه المستقبل قدامك طويل وهتلاقي نشاء الله ابن الحلال اللي يستاهلك ويقدرك ويصونك لاتستعجلي على رزقك فماادراك ان هذالشخص هوالزوج المناسب لك بغض النظر عن نجاحه في عمله او ماقام به معك من مواقف في العمل لاتطعيك الحق في الانجراف نحوه والتعلق به لاجل كرامتك وكرامةاهلك وتربيتهم ليك والثقة التي منحوها اياك من المخجل والمعيب انك تجي وتنزلي كرامتهم الارض وتخدشي الصورة التي تاملوها لك وتجلبي لهم العاروالفضائح بعلاقتك مع هذالرجل وتخلي الناس يقولون عليك القيل والقال بعلاقتك معه مافيش بنت ترضى بهذالوضع على نفسها على الاطلاق ولاتتمناه فلماذا الاصرار على علاقتك بهذالشخص المتزوج وعنده اولاد واكبرمنك بمراحل وفوارق التعليم الحالة الاجتماعية كبيرة بينكم صدقينى انه يخدعك ويتسلى بك لانك فتاة شابة وجميلة وعاوزيشبع رغباته معك ليس الا وعند اول مشكلة تحدث بينكم سوى يتركك ويطلقك ويرجع لزوجته الاولى ولاولاده اتمنى انك وعيت كلامي ده واستوعبتيه وتعرفي مصلحتك فين والله يهديك ويسترعليك ويكرمك بالزوج الصالح اللي يستاهلك ويحافظ عليك ويصونك ويسعدك في حياتك القادمة
عزيزتي مع فائق احترام لك وتقديري الا ان نظريتك للحياة خاطئة جدا كيف تريدن الارتباط بشخص اكبرمنك ومتزوج وعنده اولاد وله حياته الخاصة به بغض النظر عن كونه دكتور مشهور وناجح في عمله وله مواقف معك وساعدك في العمل لكن ان يكون زوج مناسب لك فلا ولالالا لعدة اسباب قدتوافقين عليها او تعارضينها ولكنها هي الحقيقة 1- كثرة المشاكل والخلافات بينكما بسبب زوجته الاولى والاولاد 2- عدم استقرار الحياة بينكما والفوراق الاجتماعية والتعليمية بينكم 3- احتمال حدوث الخيانة منه وده امرواقع ويحصل مع كثيرمن الدكاترة الكبار ولهم علاقات خاصة مع العديدمن النساء سوا كانوا في المستشفى اوفي الخارج قدتصل الى بكم الى الطلاق 4- هومش عاوز يتزوجك ولاعمره فكريرتبط فيك لكنه عاوزك تبقى عشيقة له يمارس معك الجنس وقت مايشاء ويشبع رغباته المحرمة فهل ترضين بهذالوضع والدليل الكلام اللي قاله للشاب مندوب الادوية عندما لاحظ انه يتقرب منك ويبادلك المشاعر وانت لاتعلمين ماذا قال له حتى جعل الشاب ينصرف عنك قديكون وهوالغالب انه قال عنك انك وحدة مش كويسة ولامحترمة ولك علاقات ومن الكلام البذي والغير اخلاقي حتى يجعلك تحت سيطرته وطوع امره فاحذري منه انه شخص سافل وبلااخلاق ولاتنخدع بالمظاهر الكاذبة والكلام المعسول الزائف والله يسترعليكي ويكرمك بابن الحلال اللي يستاهلك ويقدرك ويصونك ويسعدك في حياتك
انتى كانك بتتكلمى عنى بالظبط بس الفرق بقى انى مش دكتوره انا خريجة كليه نظريه وطبعا مشتغلتش زى بقيت زمايلى ويتمه ام واب والوحيد اللى واقف جنبى وحسسنى بحبه وحنانه لدرجة انى بشوف فيه حنان امى وابويا الله يرحمهم هو الشخص اللى انا بحبه بس بكل اسف انا بمووووت كل دقيقه الف مره من عذاب ضميرى لانه متجوز وعنده طفلتين وعندى الموت اهون الف مره من انى اخرب بيته لانه قدملى كل حاجه جميله او احتى اشوف نظرة حزن فى عيون بناته انا وحيده فى الدنيا ماليش صحاب ولا اخوات ماليش غيره وبرغم حبى واحتياجى الشديد له فضلت انى احس باى حاجه وحشه بس وانا بعيده عنه احسن مااعيش فى منتهى سعادتى وانا معاه بس على حساب وحده تانيه مقدمتليش اى حاجه وعشان متقوليش دى احسايس مراهقه لا انا اكبر منك وشوفى ظروفى وقرنيها بظروفك وقررى انتى بقى اسفه على الاطاله وربنا يكتيلك كل الخير
لازم الاول تبقي عارفه انك لو
أتجوزته حاجات كتير هتتغير طبيعي بعد الجواز وانتي هيبقي ملزم منك تربيه اطفاله وانك تستحمليهم كانهم ولادك علشان كمان انتي ارتضيه بظروفه
فهتحسي انك قدمتي تنازلات وملقتيش مع الوقت الي انتي عيزاه بطبيعه الحياه بقي لما تريح والعاطفه تهدا يعني لما هتبقو في وش بعض 24 ساعه غير ما تشوفو بعض كام ساعه وكل واحد يروح بيته
ولازم تشوفي موافقته علي الخلفه وهتعملي ولادك بمساواه مع ولاده؟؟؟؟ يعني فكري في رضا ربنا من كل النواحي
وبصي لبعيد علشان الحياه بتفضلش علي لون واحد
وربنا يوفقك للفيه الخير
انا صاحبة المشكلة وبشكركم ياجماعة كلكم علي ردكم عليا انا عارفة كويس انكم عندكم حق بجميع المقاييس هتكون حياة تعيسة وفاشلة بس انا للاسف مش قادرة ابعد عنه واللي متاكدة منه انه فعلا بيحبني وبيغير عليا لو شافني واقفة مع زميل لي وقد جاء منذ عدة ايام صيدلاني يعمل كمندوب ادوية وواعجب بي وحاول التقرب مني ولكني من يومين رأيت هذا الدكتور المتزوج يأخذه خارج العيادة لمدة حوالي نصف ساعة ثم عادوا معا وهذا الشاب الطيف كان وجهه جايب 100 لون وتغير من ناحيتي تماما ولا ادري ماذا قال له؟
انا قلقة منه وف نفس الوقت قلقة عليه والله العظيم انا نفسي يرجع لبيته ومراته ويعيش حياة سعيدة ويسبني انا كمان اشوف حالي وبس هو مش سايبني ف حالي انا لسه ادامي حوالي شهر وهنهي شغلي فيها مش بمزاجي غصب عني بس مش عارفة لو بمزاجي كنت هبعد عن المستشفي انا عايزاه صديق عزيز وزميل ناجح يساعدني لو ف يوم فكرت اسس عيادة او ف اي استشارة ف شغلنا انا مش عايزة اخسره ومش عايزاه اكتر من اخ وزميل وصديق والله هو ده هدفي بس اهتمامه الزايد بيا وخصوصا انه مش اي حد وكل الناس مش بس تتمني تتعامل معاه دول يتمنوا يتكلموا معاه فلما الاقي واحد زي ده مهتم بيا لازم اهتز او اقلق مش عارفة هل الاحساس ده حب ؟ام ماذا ؟لا ادري لا ادري
اقسم باللة لانصحك بما يرضى اللة بلالاللاش اولا انتى ببداية حياتك ومستقبلك مع الحب مفتوح وبكرة يجيلك اللى يصونك
بلاش اولادة ينظرو ليكى نظرة فيها لووم عن تجربة انا عايشها
عمر زوجتة ما حتسامحك ومن هنا تبدا العدواوة وعدم راحة البال وعن تجربة انا فعلا عايشها
وحاجات كتير واللة انا عايشها وعن تجربة
نصيحه من اختك سيبك منه وانسي حبه وخلي معاملتك معاه في حدود العمل فقط عمرك ماراح تقدري تكوني زوجه تانيه وكفايه فرق السن اللي بينكم انا متزوجه زوجي اكبر مني ب12 سمه وبضرب نفسي جزم وندمت ندم عمري وامي زوجه تانيه لابويه كان يوم اسود لما كانت زوجه تانيه كله بيجي علي دماغ الاولاد فكري في حياتك في شب من سنك علي شان ماتندمي
ارى انه لا داعى لاستمرار هذا الحب فهو اعجاب اكثر منه حب وسرعان ان يزول هذا الحب مع اول مشكلة
نصيه من اخ بلاش افضلك بلاش وفكرى بعقلك شوي بلاش قلبك يتحكم فى عقلك
بدون اي تحامل مش بيقولو مين يفهم الست غير ست
ايضا من يفهم الطبيب غير طبيب
أسال الله الا يمتحني ولن تحت الظروف العادية ما اظن ان اقبل بالزواج من طبيبة لاني مش طبيب
مش من فراغ بس من اللي شايفه
اخوي طبيب ومرات اخوي التاني طبيبة وكان الله في عون الاثنان ، تضحيات مبالغ فيها علشان تستمر الحياة….
الحل :
ااكدلك انو فعلا مش مرتاح ولو زوجته نكدت عليه حا يطلقها كما طلق التي قبلها.
مش انت يا صاحبة المهنة الانسانية ومنقذت الارواح باذن الله التي تبني سعادتك مع هذا الرجل الذي يتودد اليك بالهدايا ليستميلك اليه وقد فعل .
نعم الذي يناسبك من الحقل الطبي وطبيب ولكن ليس هذا الرجل
لماذا
لانه متزوج وزوجته متفرغه ليه تماما واب لطفلين.
ما احلي الحب
وما احلي الحب والزمالة
حبيه كزميل واخلصي له وتفاني معه ولكن من الوفاء وشرف المهنة الا تكوني زوجته.
قد يتضايق من المنزل وقد يشكو لك همومه ، اسمعيها كما تسمعي اهات من يشكو لك الالم
ويحتاج الي تضميد الجراح. من يفهم الطبيب كطبيب.
يناسبك طبيب
ولكن ليس هذا الرجل .
اتركيه لله ، اتركيه لابناءه والله يعوضك احسن منه
ليس رفضا لان تكوني زوجة ثانية وانما لانه اصلا متزوج اكثر من زوجة
الزوجة الثانية اسمها مهنة الطب
وهي الزوجة التي تغير منها زوجته
بالله عليك كم يقضي مع كل منهما
بالله عليك ايهما ياتيها نشيط وايهما ياتيها تعبان ومرهق
زوجته تستاهل جائزة نوبل وكذلك زوجة كل طبيب
قلبك كبير
انت تعلمين ان بعض العلاج يكون بالبتر للعضو ،وهذه العملية ظاهرها العذاب وباطنها الرحمة
لا اقول لك ابتري علاقتك به بل تقوي بالارادة التي تمكنك من اداء البتر بوضع الامور في نصابها.
ونصابها ان تتزوجي طبيب اخر
اتركيه مع محبته لله ،اتركيه لاسرته، اتركيه لمهنة الطب ، والله يعوضك.
خذي مع نفسك قرار اذا طلبك للزواج ان تقولي له :
افديك بدمي
واحبك بكل جوارحي
واحترمك الي الابد
اعفيني من هذا الطلب
ليس رفضا لك فالف من تتمناك ،
وليس لانك متزوج
ولكن لشئ في نفس يعقوب ، والله يصبر كل منكما علي هذا الامر
ويوفقك
السلام عليكم وبالله انا بكلمك زى اختى بالضبط انا عمرى 33سنه ومتزوج والحمدلله بس عايز اقولك انى من يوم ما كبرت وحسيت بالدنيا مشوفتش يوم حلو من ابى وزوجت ابى مع العلم ان امى والحمدلله موجوده وبصحه وعافيه ونحمدلله بس حياة كلها مرار فى مرار ارجوكى من كل قلبى ان تصبرى وتتزوجى شخص يكون ملك لكى فقط يعنى يكون بقلبه وعقله وحنانه وكل ما تتمناه اى واحده فى الدنيا والله كل كلمه انا كتبتها بكل صدق واخلاص عشان انا عايش فى نفس اللى انتى بتتكلمى عليه ويارب كلامى يكون سبب لاقناعك لانك لو تزوجتى هذا الشخص هتكونى اكبر خسرانه فى حياتك وتعيسه وحياة كلها مأساه وندم فى ندم واسف انى طولت فى كلامى وياريت تردى علينا باخر ما توصلتى اليه وشكرا
اناحاسس بيكى وبحبك بس عندى ليكى كام سؤال هما الاجابه1
1تأبلى انك تكونى مكان مراطه
2مش ممكن يعجب بوحده تنيه ونتى ومراطه
3هوه يـأبل انو يتجوز وحده مطلقه
4مش ممكن وجايز لو اتجوزتم يحسك كأنك وحده من الادام فى اضع ال””””””””””تأبلى يكون معاكى بجسمه بس او العكس
5مش اكيد هيظلم الست الى معاااااااااااه دا غير الاولاد
6انا مش بتهمك بشىء لان الحب مثل الموت مفاجىء دون مبررات لاكن علينا ان نحكم عقلنا
كل مشكلة بنمر بيها في حياتنا ليها حل . إيه هدفك في الحياة ؟ هل اللي انت بتمري بيه بيخدم الهدف ده؟ ربنا حط لنا الحل في منهجه . فما عند الله لا ينال إلا بطاعته ، ومن ترك أمرا من أمور الشرع أحوجه الله إليه . ولا تنس أنه يجب أن لا تعالجي الخطأ بخطأ أكبر منه . إبعدي عنه فله أسره وحياه وربنا حيعوضك خير لأنك عملت الصح واللي حتعمليه حيتعمل فيك بعدين فمن يتق الله يجعل له مخرجا ويرزقه من حيث لا يحتسب والمقصود بالرزق هنا مش رزق مادي بس لكن رزق معنوي وصحى ومادي وراحة بال ……
من الاخر ده مجوز حرام عليكى بيتو وعيالو وزوجته ضعى نفسك مكان زوجته وانا هسيبك تفسرى الكلمتين دول مع نفسك