انا طبيبه ابلغ من العمر 27 عاما عانيت من مشاكل كثيره في حياتي ودائما ماكنت انام وانا ابكي فلقد كان هناك مشاكل لابي مع ناس جيران لنا ولم يجدوا احد يؤذوه سواي انا فلقد سحروني وتوقفت حياتي وكرهت الحياه وكرهت الارتباط والزواج مع العلم انني في حالي وكانت دراستي خارج بلدي وانا ملتزمه دينيا ومرت سنين العمر وعوضني ربي خير ا في عملي واصبحت من انجح الشخصيات في مجالي ومر العمر وذهبت الي مشيخه الازهر والحمد لله تم شفائي من السحر الملعون ورزقني الله بعريس كان جار لبنت خالتي فشافتني امه واعجبت بي وتقدمت رسميا وتم القبول وكنت سعيده جدا به لاانني لاول مره اشعر ااني احب واريد الارتباط فالحمد لله فقد شفيت
وتمت خطبتي وتنازلت كثيرا عن كثير من المتطلبات التي تطلبها العروس مع العلم ان العريس ميسور وتم خطوبتي بعد مناقشات مع العريس لان العريس هو الاخر احسوا منه انه لا يريد ازواج وانه تقدم لي لانه يريد زوجه صالحه ولكني اعاني من مشكله كبيره معه انه كثير التجارب النسائيه التي تخطت حد العلاقات غير المشروعه فقد سامحته وقلت ان الله غفور رحيم ولا يهمني ماانت من قبلي وللكن يهمني منذ ان دخلت حياتي
احببته كثثثيرا الي حد الجنون وكنت خير انثي له لا اطلب منه مالا يريد ولا اضغط عليه ولا اقول غير حاضر ولا نعم دون اي جدال لاني اعلم انه شديد الطبع ولكني كنت اري منه دائما عدم الرضي فكثيرا مايقول لي انا غير سعيد انني ساتزوج واقول له بهزار طيب قولها من ورايا مش من وشي واديني فرصه ادخل بيك الجنه وبدات ماساتي معه في عصبيته عدم احتماله وبدون اي اسباب تغير وقاطعني ولا يريد محادثتي فتعبت فانا لا اريد مصارحه اهلي بما يحدث لاني لا اريد ان اجرحهم لانهم تعبوا معي في فتره تعبي فلم اجد منفذ سوي ان احكي لحماتي وهي مع يحنونه جدا وانا احبها زي امي وحكيت له وتعجبت وقالت لي هو لو لف الدنيا هيلاقي زيك
وبعدين من ضغوط الي حواليه رجع يكلمني لاني مغلطتش في حاجه عارفين زي الي بيتحكم عليها بالاعدام من غير ذنب ورجع بس برده وهو لسه مقموص مع العلم انني لم افعل شيئا وهذا مايثير جنوني
تحملت منه الكثير من عدم احترام لمشاعري وعدم اهتمامي فمنذ ان تمت خطبتنا منذ 4 شهور لم اقابله سوي 3 مرات وهذا يشعرني انه لا يحبني
وامس تمت مايزيد ااطين بله فلقد تحدثنا واثنا الحوار بحكيله حلم حلمت ببيه ان في واحده قبل ماتخطبت له خبطت علي بابي واعطتني حذاء جديد فغضب وقفل الخط في وشي وظللت اعتذر واتصل عليه وهو لايرد وفي نهايه الامر اتصلت بحماتي قولتها لو سمحتي كنت بكلمه والخط قفل ممكن تناديه ليا قالتلي حاضر سمعته يخرج من غرفته وهو ثائر ويقوا والله هاربيها مع العلم انني اقسم بالله كنت بحكي حلم ولا في نيتي اي حاجه واعتذرت له وبعت له رساله اعتذر ولكنه لم يرد عليا وفي اخر الليل اتصلت عليه لاعتذر له قالي لي الا اريد ان اري رقمك علي تليفوني مره اخري وقفل السكه في وشي مع اني والله عمري ماغلطت ولا عليت صوتي بس هو الظاهر بيتلكك والان لا احد عندي من اهلي يعلم كل هذه المشاكل لاني احبه ولا اريد من احد ان يكرهه علي امل ان يكون زوجي في يوم من الايام فها اتصل بوالدته احكي لها كالعاده ام اخبر اهلي ام ماذا مع العلم انني لم ابح يوما بشيئا يخصنا سوي تللك المره التي تركني فيها دون سبب ولم اخبر سوي امه وهو متضايق اني صاحبه امه ويد غريبه جدا لانه اهله بيحبوني جدا مع انه المفروض يتبسط اني علاقتي كويسه باهله افيدوني ماذا افعل بالله عليكم
مشاكل الخطوبة
خطيبي لا يريدني وعصبي جدا
اضيف بتاريخ: Sunday, January 15th, 2012 في 15:35
كلمات مشاكل وحلول: الحب, الزواج, مشاكل الخطوبة
السلام عليكم،، انا بنت مخطوبة من سنة،، مشكلتي ان خطيبي عصبي جدا و بزعق في اتفه الامور،، واحنا على طول في حالة نقاش،، وحسيتو بدا يمل مني و م بيحبش يكلمني،، مرات بقول عشان نقاشنا الكتير بس برجع واقول انو هو الببدا النقاش وهو السبب فيه، ومرات بقول يمكن عشان شخصيتي عكس شخصيتو انا خجولة جدا و مبعرفش اتكلم و هو عكسي تماما،، مش عارفة اعمل ايه،، انا بحبو جدا،، وحاولت اتغير عشانو بس مقدرتش حاولت اتجاهل كلامو الجارح واستحملو بس هو لسة بيجرحني اوي،، مش عارفة اعمل معاه ايه،، مرات بحسو زهق مني و بقصد يتعصب عليا عشان ازعل واسيبو،، انا استحملت عصبيتو و كلامو الجارح بس هو مش حاسس بيا ابدا،، هو فقد الشغف فيني،، ازاي اخليه يرجع يحبني تاني،، انا بحبو جدا ومقدرش اسيبوو،، افيدوني رجاء
اختي باختصار انصحك بصلاه الاستخاره 14 ركعه على سبعه ايام او كلها في نفس اليله و تدعي دعاء الاستخاره.. تصلي بليل و تنامي على طول متكلميش اي حد.. حترتاري بعد ال 14 ركعه دول اوي راحه و ثبات محسيتهوش قبل .. اناعمري 28 مهندسه و مكتوب كتابي سنتين و خطيبي العن من خطيبك و مفيش بنت حبت خطيبها او زوجها و طاعتو قدي بس بعد ما صليت الاستخاره ارتحت و نسيت كل همي و نسيتو و نسيت ذكرياتي المره و الحلوه معاه.. ربنا يسهل لكل بنت و يا يجي راجل كويس و تبقى جوازه العمر او بلاش الجواز من اساسو البنت المتعلمه في الوقت ده مش بحاجه لراجل.. ربنا يوفق الجميع يارب..
يمكن أن أقل لك أنك شخصية من شدة طيبتها وصلت للسذاجة (أعتذر)..
يا أختي الكريمة، أقسم لك أنه لا يستحق كلمة طيبة منك ولا يستحق أي اعتذار، فأنت تستحقين أفضل منه ألف مرة..
أعلم أن سنك كبير نسبيا، ولكن العنوسة أفضل من التزوج بشخص كهذا..
وبإذن الله فتاة مثلك لن تصل للعنوسة، لأن الرجل العاقل يبحث عن الفتاة المثقفة الواعية، أما الرجل الجاهل يبحث عن الفتاة التي تقول نعم على كل شيء ولا تناقشه أبدأ وكأنه إله يأمر وينهى..
أختاه لا تترددي واتركي هذا الحقير وبإذن الله لن تندمي أبدا، واعلمي أن الطبيبات بتأخرن في الزواج نسبيا لأن غالب الشخصيات الطيبة من الشباب يخشون الرفض منهن أو أهلهن..
واعلمي أن شخصا كهذا لن يتوب إلا بمعجزة وأنك لن تغيري في شخصيته أي شيء..
وفقك الله لما يحب ويرضى..
معلش انا قريت القصة تانى واضح من كلامك انك خايفة العمر يعدى بلا زواج وده اكبر هاجس بيضحك بيه الشيطان على البنات وده يخليهم يوافقوا على حاجات هما نغسهم شايفين انها غلط وبالتالى يضيع عليها فرصة الاختيار الصحيح وده اكبر مكسب للشيطان انه يدمر حياتك منبدايتها ده بالنسبة ليكى اما هو فواضح من حكايتك انه انسان هوائى زى الاطفال يشبط فى الحاجة لحد ما ينالها ولما يمسكها يزهد فيها خاصة وان الانسان كثير التجارب لايثق فى اى واحدة مهما كانت عفيفة وبينه وبين نفسه يقول يمكن بتمثل عليا دور الشريفة ومع شخصيتك المثالية ارى ان تتركيه وتتجهى الى اللىخلقك وهو هيرزقك باللى يستحقك ويتمناكى ومتستعجليش الرزق من الله فهو يحب الصابرين ويختبرهم وفى النهاية يكافئهم على صبرهم فافعلى وثقى بالله
انا بشتغل فى محكمة الاسرة وبتجيلنا مشاكل كتير بتكون بدايتها زى ما بتقولى حضرتك عنه نصيحة مختصرة اهربى منه وانزلى من حياته فى اول محطة انا عارف انها كلمة صعبة لكن الايمان بالله وبان الرزق بيده يهون كل شيئ بس عليكى باللجوء الى الله والدعاءبالزوج الصالح بس خلى بالك فى حاجه ان اللى عملك السحر اول مرة ممكن يجدده وهنا يجب تجديد العلاج وتحصنى نفسك بالاذكار اللى هيقولهالك المعالج لان سحر التفريق ممكن يكون بيخليكى وحشة فعينيه ولو اتضح ان مفيش سحر يبقى الصح انك تسيبيه بدل متعيشى طول عمرك مع واحد كارهك وساعتهاممكن متلاقيش حل غير بالمحاكم لاقدر الله
بصي يا جميل انتي شكللك فعلا بيقول انك طيبه وعايزه ربنا يسهلها معاكي .انا رايي انك تصبري شويه ومش تكلميه يعني اسبوع اسبوعين كدا ولا تحاولي تتصلي به واستحملي ده وبعدها لو اتصل ماشي صالحيه يبقي راجع نفسه .مش اتصل يبقي فعلا ده مش يستحقك .وشكله كدا اهله غاصبين عليه وما كانش عايز علاقتك مع اهله تبقي كويسه علشان يعرف يفض الموضوع انما كدا مامته هتقف ف صفك .استخيري ربنا واصبري عليه شويه ما نفعش يبقي تفضي الموضوع وربنا هيرزقك بلي احسن منه باذن الله .علشان ده شكله هيتعبك بعد الزواج
خير الكلام ما قل ودل
استخيري الله فيه واصبري شويه وشوفي ربنا هيمشي الامور ازاي اما بالنسبه لانك بتحبيه دي علشان حضرتك من كلامك ده اول حب ليكي من بعد الاصابه بالسحر ادعي ربك واستخيري ما خاب من استشاااار والله يوفقك لما فيه خير لكي يارب
كنت اعمل فى مكان يستدعى للبيات تعرفت على موظف معى بنفس المكان حبينا بعض اوى وارتبطنا لحد ماتقدم لاهلى كانو رافضينو تماما عشان ظروفو كانت بسيطة بس انا ديما كنت بحاول معاهم فى البيت لحد ماوافقو عليه بعد طلوع الروح كنا اغلب الوقت انا وهو مع بعض مش بنسيب بعض خالص كانت حياتنا رومانسية جدا وكنت فرحانة وطايره بيه واتفقت انا وهو كل واحد فينا يشتغل ونساعد بعض نعيش على ادنا لحد مانقف على رجلينا وكنت ديما بطمنوه انى هفضل جنبه مهما كان هو كان بيشرب حشيش لكن لما علاقتنا ابتدت وبقيت انا فى حياته بطل لكن اهلى لما سالو عليه عرفو الموضوع دة وابتدو يضايقونى بيه وانه انسان وحش لكن انا باردو كنت بتحداهم واقولهم عامة انا كبرت وعارفة مصلحتى جيدا ابتدى بابا يقولى لاحظى انك هتعيشى اقل من مستواكى وهتتبهدلى لكن انا كنت باردو عاوزاه عشان بحبوه بعدها سيبت الشغل وبقيت فى مكان بعيده عنه ابتدت مشكلتنا انه يحس انى بعيدة وانى باردة فى مشاعرى من ناحيته وانى سمعت كلام اهلى واثرو عليا فى انى ابعد عنه هو دة كان احساسه ابتدو اهلى يطلبو منه مطالب كتير هو مش قادر ينفذها ابتدينا نتخانق كتير وانا نفسى ابتديت اتخنق فسيبنا بعض ورجعنا تانى عشان ماكنتش بجد قادرة اتحمل بعدو عنى ابتدينا نتشاكل تانى فى موضوع الشقة هو مشكلتوه انه مش طموح نهائى مع انه مستواه التعليمى هايل وخبرته فى العمل ولغاته كل شىء تمام لكن عاوز يفضل ثابت مايعملش حاجة تقدمه ابدا اخر مشكلة انه كان عاوز يشوفنى فرفضت بسبب ضغط شغلى وبعد المسافة ابتدى يلاحظ انى بهملوه بعدها ابتدى يتغير معايا مابيكلمنيش كتير ما اجى اقوله عاوزة اشوفك يتغير ويتهرب بعدها عرفت انه خانى مع واحدة ورجع للشرب تانى تعبت اوى فى الاول واتخنقت بس لما هديت حسيت انى انا السبب خليته يوصل لكدة بسبب اهمالى فى مشاعرى ليه بس انا كنت اعمل ايه منا غربت نفسى عشان احاول اعمل حاجة اساعدوه بيها يعنى غصب عنى لكن رجعت لومت نفسى مالومتهوش على شىء وسامحت قولت اتغير عشانو وارجع ابقى زى الاول معاه لانه كان طالب منى فى الاول انى ارجع وظيفتى الاولانية عشان نرجع نكون مع بعض ونا رفضت عشان وظيفتى التانية مرتبها اعلى ممكن تساعد اكتر لكن هو كان عاوزنى انا اكون جنبوه لما حبيت ارجع بعد خيانتوه وخداعوه هو رفضنى ومبقاش عاوزنى بجد انا بحبوه ومش قادرة اعيش من غيره رغم كل اللى عملوه نفسى يدينى فرصة تانية زى مانا سامحتو يسامحنى بس هو رافض بجد عاوزة حل ليا لانى مش عارفة اشتغل ولا انام ولا اتعايش طول وقتى بفكر فيه وبفتكر كل لحظة عشتها معاه مش قادرة انساه بجد
بصي يا اختي وده من خلال الخبرة ايام الخطوبة بتكون احلي ايام بين المخطوبين انا كنت في بلد وخطيبي كان في بلد تاني وكنت بتلكك لامي عشان نسافر نشتري اي حاجة من هناك عشان اشوفه بس وكان هو لما يحب يشوفني كان بيسافر وييجيلي في الشهر اكتر من مرة وكان بيجبلي هدايا معاه واضح من كلامك انه مجبر علي خطوبتك احفظي الباقي من كرامتك وافسخي انتي الخطوبة هتندمي بعدكده علي كرامتك اللي ضاعت منك ودوسي علي قلبك شوية الكرامة مش بالساهل حد يضيعها وهو مش لقطة قوي عشان تمسكي فيه وانتي مليون واحد يتمناكي وربنا موجود جنبك متخافيش هي مرحلة صغيرة تعديها وبعد كده هتنسيه خالص بعد الجواز هيعاملك معاملة اسوا من كده لانه مش بيحبك معلش حاولي وامسكي نفسك وادعي ربنا يرزقك الزوج الصالح
انتي من النوع المسالم الي اكتر الرجاله مبتحبهوش خطييبك عاوز وحده تقوله لا وتقوله ايه يعني وطظ فيك اولا ابعتيلوه رساله قوليلوه فيها عنك مكلمتني وانا مش عوزاك وتعالى خد حجتك وشوفيه هيعمل ايه وقليلوه فيها ان متربيه واهلي عرفوا يربوني كويس ومحدش يقدر يربيني غيرهم نقيلوه شوية خيار وادهملوه في وشه وانا واثقه انه هيجي يصلحك علشان هو من الرجاله الي بيحب يجري ورا البنت مش هي الي تجري وراه
ولو مرجعلكيش في ستين دهيه المهم ربيه كويس وكمان فكك من السحر ومتقوليش لحد تاني انه كان معمولك اسحار ومتبقيش مسلمه خليكي زي القطه وخربشي
كلام توتا صح وف حاجهتانيه الانسان الا ناوى يمشى صح بعد ما كان ماشى غلط هوه الا بيحتوى الموقف لو الموقف فى خطاء غير مقصود بيحتوى الموقف بالفهم وبشخصيته الكبيره والحلوة انما ده واضح انه مش عاوز ارتباط رسمى علشان يفضل حر او انه مش لاقى فيك الا بيشوفه فى العلاقات النسائيه السابقه لاقيك انتى انسانه محترامه ومهزهبه وهوه مش متعود عل كده فصلى صلاه استخارة وربنا يراضيك ويبعتلك الا يعوضك عنه اذا مكنش هوه من نصيبك وربنا هداه / المحامى
علي فكره واضح من كلامك انك شخصيه جميله اوي والله هو فعلا ميستهلكيش هو اصلا شكله ياما مجنون ياما مش عايز يتجوز عشان يقيم علاقات من غير حساب وفي كلا الحاتين مينفعش تكملي معاه لانه مش باقي عليكي ازاي تامني علي نفسك تتجوزي واحد انتي ملكيش سعر عنده و اسلوب الاعتزار مينفعش معاه لانه مش بيقدره
استعني بالله وصلي استخاره وربنا يعوضك باللي يحبك و يستاهلك