انا بسمه21 سنة يمكن تكون مشكلتي تافهه لبعض الناس لكنها ازمه حقيقيه بتخليني مش عارفه افرح باي حاجه حلوه تحصلي,انا وحيده اهلي وعشت حياه هاديه لحد ما اتخطبت لزميلي وبعاني مع اهله لانهم ميعرفوش الاحترام ولا الهدوء وحياتهم كلها مشاكل وتوتر وخناق وشتايم وسيطره وده عكس تربيتي تماما ووالدتي ع طول بتعيط من خوفها عليه وانا كمان مرعوبه ، ساعات اقول لنفسي البيوت ياما فيها استحملي وخليكي عاقله بس بخاف من بكره وساعات افكر في الانفصال واخاف من شبح العنوسه ،ايه رايكم؟؟
مشاكل الخطوبة
محتاره في اتخاذ قرار هيحدد مصيري
اضيف بتاريخ: Saturday, September 25th, 2010 في 22:03
كلمات مشاكل وحلول: الاهل, الخطوبة, العنوسة, مشاكل, مشاكل الخطوبة
نفس مشكلتى والله ياحبيبتى ااهل خطيبى كدة وانا بردة محاترة ومش عارفة اعمل اية بس تقريبا هختار انى انفصل لان انا عمرى ماهرتاح فى وسط اهلة بجد حاجة وحشة جدا انك تعيشى فى وسط بيئة مش بيئتك ربنا يوفقنا لما يحب ويرضى
اختى بسمة نص الجواز الاهل يعنى هيتعبوكى فى ايامك هو لو بيحبك صحيح حول تستقلى بذاتك لانى لو انتى معاهم دايما هيخلقو مشاكل بينك وبين جوزك ودة للى بيحصل حاليا وفى الزمن دة ربنا يوفقك ويسعدك وفكرى قبل ماتندمى وشوفى كلام ماما اهم حاجة لانها واكيد خبرتها فى الحياة افضل
انتى هتتجوزى عيله ولا شخص واحد
المهم الانسان اللى انتى مخطوباله بس
وحاولى متختطلتيش بيهم اوى وكده وحاولى بعد الجواز تسكنوا بعيد عنهم
لو انت شايفه انكم مش متوافقين فى حاجه خالص ليه وافقتى عليه من الاول
وبعدين لو هوه مش كويش سيبه بس اوعى تفكرى فى عنوسه وكده انتى لسه صغيره
ولسه هيجيلك عرسان الجواز قرار صعب لازم تفكرى فى حياتك اللى بعد الجواز هيكون شكلها ايه
وربنا يقدملك اللى فيه الخير
اسمعي من مطلع على مثل هذة المشاكل
وبصراحه اختي عانت من عدم اتخاذ قرار كهذا من قبل والان هي تدور في دولاب التعاسه والمشاكل المستعصيه وخاصه تتفاقم الامور عندما يكون هناك اولاد
اسمعي من فيلسوف العصر :
الحب مهما كانت درجته نهايته وبكل اسف الزواج (ولكل قاعدة شواذ)
الحب الذي يبنى بعد الزواج يكون مبني على الواقع ويكون حقيقي ليست دروس محفوظه كما يعمل الخاطبين كلا منكما يحفظ المجاملات اللطيفه من اجل ان يسمعها للاخر
اما الحب الذي ينتهي بالزواج تحدده الامكانيات المتوفره لشخص وتاكدي(عندما يدخل الفقر من الباب فأن الحب يخرج من الشباك)لذلك اسمعيني واتخذي قرارك بناءا على قراري ولا تنتظري اي فرصه لتغيير لانه الطبع يغلب التطبع) اسمعيني انا اقول لك افسخي خطوبتك فورا لانه جوا كهذا لا يولائم ما كنت عليه عند اهلك ةلذلك انا اطلعة على مشاكل قريبه مني احاطتها الوعود الكاذبه
واخيرا لا يؤلم الجرح الا من به الالم
لا تخافي من العنوسه فلا يصيبكم الا ما كتب الله لكم
فلسطيني/:البحر الهائج
اختى الصغيرة لاتخافى من الانفصال انتى على الشاطئ لاتدخلى البحر حتى لا تغرقى انتى عكسة تماما ولاكن ليست البيوت كلها مشاكل وشتائم مثل هذا البيت ,,, فخافى على نفسك من هولاء وخافى على تربية اطفالك بعد ذلك ؟؟؟؟؟ وتئاكدى ان زوجك مكتوب عند الله فاتركى الامر لله وتوكلى علية واسعدى امك قبل فوات الاوان .
رابى الانفصال عنه الان وانتى مخطوبه بدل الطلاق بعد فتره قصيره بعدين مفيش حاجه اسمها عنوسه الزواج زى الرزق بعدين المصاهره ليست بين فردين بل بين عائلتين وطالما اسرته دون المستوى الاجتماعى لاهلك مش هينفع تالف كمان فكرى فى اولادك بعد الزواج وايه اللى هيتعلموا من اهل زوجك
وانتى في انسه في بيت اهليك ملكة وافض ما تكونى مطلقة عنوسةوكلام فارغ ايه بلاش تعملي حاجة النتيجة فيها معروفة
لا يابسمة انتي كدة تفكيرك غلط عنوسة اية بس وانتي لسة في السن الصغير دة
بكرة ان شاء الله ربنا يرزقك بانسان يكوت بيتقي الله هو اهله عشان يعيش معاكي بما يرضي الله وبعرف ازاي يحافظ عليكي انتي شكلك طيبة ومش بتاعةمشاكل انتي واهلك وفكري مع نفسك هل انتي هتقدري تواجهي المشاكل اللي بتحصل من اهلة انتي واهلك وبعدين افترضنا ان اتجوزتية وحصلت مشاكل ودة المتوقع ولاقدرالله اتطلقتي اية رايك تطلقي ولا تقعدي وشوية وانتي لسه صغيرة كدة والحياة قدامك لان الواحدة لمابتتجوز مش بتتجوز الشخص بس لا هو عائلتة وانتي شكلك مش بتاعة مشاكل فالافضل ليكي انك تنفصلي عنة
ولو ليكي نصيب فية هيرجعلك مالكيش خير وبركة
وكمان اهلك بيحبوكي وهما ادري منك بمصلحتك ومدام شايفين ان الانفصال خير ليكي ياريت يا اختي تسمعي كلامهم
ودايما تدعي ربنا وتصلي صلاة استخارة وتداومي علي هذا الدعاء
ورد في الحديث الصحيح الذي رواه ابن ماجه، وصححه ابن حبان والحاكم أن الرسول صلى الله عليه وسلم علم عائشة هذا الدعاء:اللهمّ إني أسألُك من الخير كله، عاجله وءاجله، ما علمتُ منه وما لم أعلم، وأعوذُ بكَ من الشرّ كله عاجله وءاجله ما علمتُ منه وما لم أعلم، اللهم إني أسألُك من خير ما سألك عبدك ونبيّك وأعوذ بك من شر ما عاذ منه عبدك ونبيك، اللهم إني أسألُك الجنة وما قرّب إليها من قولٍ أو عمل، وأعوذُ بك من النارِ وما قرَّب إليها من قولٍ أو عمل وأسألُك أن تجعل كل قضاءٍ قضيتَه لي خيرًا