هى مش مشكله مضحكه دى فعلا حقيقه من الاخر مناخيرى كبيره شويه ده اللى مضايقنى انا الحمد لله بلبس كويس ومحترم فى كلامى وكمان عندى لمسه من خفه الدم وليا صحاب كتير الحمد لله وفى اعمار مختلفه وبتكلم مع بنات على النت وفى منهم اللى بيتعلق بيا بصراحه بس لما بقف فى مواجهه بنت وجه لوجه بتكسف وبعرق وبحس انها مركزه مع مناخيرى مش معايا انا عارف ان ده ممكن يكون مبالغه منى بس انا حجم مناخيرى ملحو انه كبير ايوه هو شكلى كويس بس الحكايه دى بتخلينى مش عايز اكلم بنات ولا ناس غريبه عنى وجه لوجه والناس بفكر ده خجل منهم بس هو فى الحقيقه خجل من مناخيرى انا مش منهم لانى بكلمهم على النت عادى جدا وبهزر وبكلم طبيعى اوى. انا فكرت وبفكر اعمل عملية تجميل ومش عارف هل هى حلال علشان المشكلة النفسية اللى مسببهالى وبفكر ان الناس هتتريق عليا لو عملتها وساعات بقول ايه التفكير الغريب ده عمليه ايه هو انت بنت
انا احترت دلونى على الحل بجد
بقولكو ايه انا مكنتش مناخيرى كبيره بس من فتره بسيطه حصل انها تكبر من قدام وشكلها غريب واى حد بيلاحظها ووقتها بيقعد يلعب ف مناخ…. وابقى عامل نفسه مش شايفه احراج ده ولا اسمه ايه حتى اصحابى اقرب ما ليا اول م بيشوفنى يقعد ينظر وهيا عليها دهون اساسا وهيا الدهون كانت السبب وواحد حلاق الله يجزيه كان واخد فكره غلط عن ( حمام بخار )وفوطه سخنه ويدوس ف مناخيرى ويقولى بص دهون قد ايه وكانت وقتها مش كبيره ودلوقتى وبحاول ابعد لان مشكلتها مش قرايبك واصحابك وبنات لا ف البشريه كلها وفكرت ف سفر بره لانها حاليا مسبابالى الوحده وبشرط عملت تجارب بعدها زى الجنزبيل ومعجون السنان وخل تفاح لا عمليه لا طبعا مينفعش بس انا مكنتش كده خجول وبحب القعده لوحدى ……..! اعمل حد يقولى (ع الله )
ممكن ترد علي السؤال دا لو قابلت بنت حلوة بس مناخيرها كبيرة مش عارفه ازاي ايه بقي ردة فعلك ؟؟
البنات اللي عايزة تعيش مش بتدقق في الحاجات دي يعني الولاد كلهم بيبقو عايزين ملكة جمال بس البنات في مصر اتربو علي ان الاخلاق الاهم
انا كمان بسبب انفي عندي انطواء وكمان.كبرت في السن.ومش بيتقدملي حد.وعمليات التجميل حلال
بس غاليه جدا..انا نفسي اعملها.طبعا ده مش اعتراض علي خلقه ربنا بالعكس.سيدنا محمد جاله واحد زمان كان عاوز يتجوز وكان مكسوف من شكله..يعني احنا لولا ان في ناس اتريقت علينا مكناش اصلا
هناخد في بالنا
يا جدعان كل واحد يعمل الى يريحوا
هههههههههههههههههههههههه اكتر حاجه عجبنتى الى بيتكلم ويقول انا بحب البنات الى عندها ضب هههههههههههههههههههههههههه ده انت عسل المهم يا عمرى الى كاتب هاالسؤال بص انت هتجيب زنجبيل مطحن من عند العطار مع جنزبيل اخضر مش مطحون انت هتحط على الجنزبيل المطحون شويه ماى وتحطو على منخارك ومن الجوانب بتحط قطعتين من الزنجبيل الاخضر سليمه وبعد هيك تجيب ضمامت انف وتحطها علشان تمسك الجنزبيل الاخضر من الجوانب وتصعر فى نفس الوقت هى هتحرقق شوى بس معليش انا اختى مجربها والله بقت عسل ومظبوطه جدا يارب تكون فادتك اه وملحوظه
انت لو عظمه منخيرك كبيرة يبقى ولا اى حاجه هتعمل شيئ غير تدخل جراحى انما لو تخينه يبقى توكل على الله
بص يا باشا انا عارف مشكلتك وحلك الوحيد انك لازم تبقي شخصيتك عليهم تبقي جامده جدا جدا يعني اللي يعملك حركه تدايقك خش فيه شمال بقي قوله بص ياد يبن ****… وانت فاهم ولو طلبت ورخم عليك اتخانق معاه وهو هيحرم يرزل عليك تاني وولاهي هو ده انسب واسرع وافيد حل
هقولك على حاجه والله كأنك بتوصفنى فى الجمال والشياكه وكل حاجه الا الأنف دى بس تصدق والله بحس نفس احساسك انته عارف بعمل ايه طول اما اتعب ابص بس حوليه بشوف نااس كتير انا الحمد لله اجمل منهم وربنا عاطينى حاجات كتيره جميله المهاره فى الخطابه ولعب الكوره والعلم والجسم المتناسق الرياضى فبخرج بثقه وبكلم اى بنت عاوز أكلمها لان مفيش راجل يتعيب والحمد لله
يا شباب انا جبات جنزبيل مطحون وعملت بيه وصغرة انفى بعد اربع ايام والحمدل الله
على فكرة انامنخيرى كبيرةودى حاجة صعبة على البنت بس محبوبة جدا وبتقدملى عرسان كتير علشان اخلاقى وبرفض شباب زى القمر بس معندهمش اخلاق ودلوقتى اناهجوز واحدمش جميل بس هو عندى اجمل واحد
بصوا يا شباب انا مناخيري كبيره جدا وكل ما حد بيبص في وشي بيمسك مناخيره 🙂 تقولش خايفها تتعدي
طبعا الموضوع دا مأثر جدا جدا جدا عليا ومخليني عصبي دايما ومش عارف اعمل إيه !
جيب زنجبيل وحط عية شوية ماية لحد ميصيرعجينة وحط على انفك لمدة اربع أيام متتالية وقولى الفرق أن شاء اللة
الناهيه فى الموضوع ان شاء الله انا قعدت افكر فى الموضوع دا وازاى اخلص الموضوع اولا لازم تعرف ان فى ناس كتير جدا عندهم نفس المشكله النفسيه ومش عاجبهم حالهم اللى ودنه شايفها انها كبيره واللى شايف ان مناخيره كبيره واللى شايف او شايفه نفسها سمره واللى شايف انه قصير وكل الكلام دا موجود عند ناس كتير جدا بس فى فرق بين شخص بيقدر يتخطى المرحله دى ويتعايش بحالته وشخاص تانى قاعد فى بيته عمال يقول اصل الناس هتقول والناس هتعمل فيا وشكلى ومش عارف ايهودا شىء مضحك الصراحه انا هقولكم امثله بسيطه جدا عندكم مفيد فوزى وعادل حموده ومجدى الجلاد وغيرهم كتير كلنا عارفين ان مناخيرهم كبيره لكن شوف هما ناجحين فى مجالهم مع الرغم انى مختلف معاهم فى افكارهم وعندك ممثليين برضو عندهم نفس الاشياء القصير والاسمر وغيرو وانتو عارفينهم كويس وانا مش اقصد السخريه من الاشخاص لكن بعرفكم ازاى عندهم نفس الشىء وعايشين حياتهم….
على فكره شيوخ كتير افتو انها حلال لما تكون لاصلاح عيب ناتج عن حادثه او خلقى وانك بالعمليه دى بترجع لاصل الخلقه يعنى لما بتكون لسه مولود بتكون مناخيرك صغيره مش كبيره وشيوخ مشهورين كمان وقالو ان العمليه دى بتبقى حرام لو انته عاوز مناخيرك تبقى شبه مناخير فلان او فلانه واقولك على حاجه انا بعانى من نفس مشكلتك دى ومناخيرى كبيره بس الغريبه ان فيه بنات حبونى كتير فى الحقيقه معارف وزمايل وجيران وكده بس برده بستغرب منهم ومعنديش اى ثقه فى نفسى ودايما منطوى وقاعد فى البيت ومش بخرج الا قليل اوى انا لما بروح اصلى بحس ان الناس فى المسجد مركزه مع مناخيرى ولما بكون فى فرح حد من قرايبنا مبحبش اتصور فى الفيديو وبمشى اول واحد من الفرح بعد ماسلم ع العروسين ده لو روحت اساسا وكلمت بنات عن النت كتير وحبونى من طريقتى وكده ع الفيس وخفة دمى بس واحده حبيتها وحبيتنى وطلعت من بلدى وكل شويه تطلب منى اننا نتقابل وانا كنت بتحجج دايما باى حجه لحد ماسابتنى وفكرت فى الانتحار اكتر من مره بس منفعش واللى يفرقنى عنك بقى ان انته معاك تمن العمليه انا بقى مش معايا تمن العمليه وعيد ميلادها قرب ودى فرصه انى اكلمها ونرجع لبعض وكده مع انها صعب توافق تقابلنى اصلا لانها طلبت تقابلنى كتير وانا اتحججت ف كل مره ومش عارف اعمل ايه عيد ميلادها كمان 3 اسابيع وانا مش معايا فلوس اعمل العمليه دى ومكتئب ومش بخرج وحاسس انى هموت وان مليش الحق انى اعيش اعمل العمليه وعيش يا برنس
بصراحة انا مشكلتى غريبة حبيت اكتبها انا كل حاجة عندى والله وبتكلم بامانة ماشية بالعكس انا بنت خمرية البشرة ولون بشرتى مميز وطويلة وجسمى متوسط وملامحى عربية كانى هندية او ايرانية وكل الناس بتقول كده ولما بكون ماشية فى الشارع ساعات بسمع حد يقول الله جميلة امورة عسولة ماشاء الله عليها ورغم كده بعانى من اضطراب نفسى اسمه توهم المرض وخلل ادراكى وشايفة انى وحشة ولدرجة انى بخاف ابص فى المراية وبقالى كده من وانا عندى 14 سنة وانهردة عندى 23 سنة سببه صدمة فى الطفولة ودلوقتى بخاف اى حد يتكلم عن شكلى ولما اشوف اى بنت احسها احلى منى رغم ان الناس بتحب تتعرف عليا ودايما يتكلمون عن ملامحى ولون بشرتى وطولى وانا مش حاسة ولا شايفة انا بس بسمع وللعلم انا اتعرفت على شاب مسلم تركى وهتجوزه ولسه هكمل علاجى عاوزة اقول حاجة ان الانسان دايما بيشوف نفسه من واقع نفسيته واحساسه الداخلى لازم تتغير علشان تشوف الوضع بشكل صحيح ممكن يكون مناخيرك مش كبيرة وموهوم زيى عموما الجمال مالوش اى علاقة بالسعادة والحب وده للبنت كمان اوعى تكونى فاكرة ان الجمال مهم والله ده ممكن يخليك تعيسة وتعيسة اوى اوى كمان الحمدلله لو عندك اب او ام بيحبوك او حتى صديق بيحبك باخلاص دى اهم من اى حاجة واسفة انى طولت عليكم
بص يا معلم انا مناخيري الحمد للة مش ملحوظة بس عايز اقولك علي حاجة انت حاطت في دماغك اني البنت بتحب الراجل الوسيم ابو شعرراصفر وعنبن خضرا ودةمش صحيح واللة اعرف بنات جميلةجدااا متجوزين ناس مفيش مقارنة بينهم خالص عارف لية لانهم ناجحين في شغلهم يعني منهم الدكتور ومنهم الخخخخ انت فاهمني طبعااا. وكمان عايز اقولك علي حاجة يا عم متفكرش في دنيتك فكر في الاخرة يعني انت لو عندك 20 سنة ادامك 50 سنة كمان وتموت والاعمار بيد اللة طبعااا. فهل الدنيا تستحق ان احنا نفكر في مناخيرنا ولا شعرنا ؟ فكر انت ممكنتنجح ازاي في شغلك وفكر ازاي ترضي ربك وسيبكمن البنات شوية هتلاقي الدنيا زي الفل واللة.
يا ريس انا هقولك على الخلاصة من الموضوع الفاكس ده اى واحدة هتعرفك انت مش هتعرف منخيرك و لو انت كان عندك شوية ثقة فى نفسك و اتصرف طبيعى و محدش هياخد باله من مناخيرك ده اصلا و البنات اغلبهم بيبو الدم الخفيف و المتكلبم و مش بيحبو المنخير خالص على فكرة و فكر فى الموضوع كويس وروح كلم اى واحدة و انت واثق من نفسك و لو حد كسفك فى يوم متتوقعش انها نهاية العالم انتى كدة تبقى مخسرتش غير واحدة بس من نساء العالم فهلم على باقى النساء و ده النصيحة الامثل من وجهة نظرى و اى واحدة لما تعجب بيك مش هتهتم من حكاية منخيرك ده خالص اوكى و نفض لعملية التجميل ده انت راجل و الراجل ميعبهوش غير حاجةو احدة و انت عارفها كويس صح يبقى خلاص ركز انت بس و ابعد عن بنات النت علشان كلهم مقالب اوكى و عيش بقى يا ريس و ادعيلى اوكى
انا معرفش هى حلال ولا حرام وعموما انا عملتها واحب اقولك الاختلاف مش بيكون شاسع يعنى فخليك كدا وليك الاجر ان شاء الله
والله يا استاذ احمد كلامك محترم جدا وصادف هوى فى نفسى وهو عدم تغيير ما خلقه الله عزوجل واقسم بالله انى اريد ان التزم وان اعيش حياة اسلاميه صحيحه وان اتزوج زوجه صالحه واربى اولادى على التنشئه الاسلاميه الصحيحه وقد رضيت بما قسمه الله لى وارجو من الله ان يعوضنى خيرا عنه وانا لست ملتزما الان وحتى الصلاه تفوتنى بعض الصلوات ولكنى ارجو من الله ان يمن على بنعمه الالتزام وساسعى لذلك ان شاء الله وشكرا لك على نصائحك الغاليه
بسم الله الرحمن الرحيم( فاصبر على مااصابك ان ذلك من عزم الامور) صدق الله العظيم اخي الحبيب ان كانت انفك هي سبب عدم ثقتك بنفسك فلا تغضب ربك بهذه العمليه لكي ترضي الناس بشكلك وان كنت تخشى الناس من ان يرو انفك كبيره فالله احق ان تخشوه فانت غني عن اي عمليه اقولك على حاجه انا انفي كانت كبيره وهقولك ومش عارف هتسدق ولالا حاجه حصلتلي وهو ده كان سبب فى التزامي والله ياخي كانت انفي كبيره وكنت بسمع كلام كان بيحرق قلبي الي يقولي مناخيرك كبيره والي يقولي عم شكشك ههههههههه بس قولت الناس دي بتقولي كده على خلقة ربنا طيب الي خلقها مش قادر يغيرها قولت حاشا لله ربنا قال ادعونياستجب لكم صدق الله العظيم والله ياخي كنت بصلي القيام وبدات اتجهه فى طريق الله وكنت بدعيه بذل قولتله يارب انت ترى استهزاء الناس بي ومالي رجاء سواك اللهم يامن خلقت كل شئ وقادر على ان تغير كل شئ يامن تقول للشئ كن فيكون باذنك فلو عملت عمليات لكي اجمل من نفسي فلا جمال ياتيني الا باذنك فلهذا يارب الارباب ادعوك على ان تصغر انفي بكل ذل وخشوع وها انا ساجد بين يديك فاانا لااطلب منك على ان تغيرها لكي اكون واثق فى نفسي فاانا واثق من نفسي لاني مسلم واني على دينك ولكن اطلب منك هذا الطلب لاني اعلم انك تحب من يمد يده اليك ولان نبينا قال ان الله يستحي ان يرفع العبد اليه يديه فيردهما صفرا خابيتين فالذلك يارب ادعوك كما خلقت هذه الانف وامرتها ان تكون كبيره فانت قادر يارب على ان تعود صغيره فيارب عبدك يتذلل اليك فهل تستجيب لي؟ فحاشاك يارب ان يرفع اليك العبد يديه اليك فتردهما من دون ان تستجيب اليه فانت الكريم وليس البخيل )هذا كان دعائي كل يوم فسدقني والله يااخي جيت في يوم لقيت ولدي بيقولي هي مناخيرك راحت فين والله مش بضحك عليك كنت صاحي من النوم ببص فى المرايا لقيت المناخير غير المناخير حتى اتشهرت عندنا فى الشارع وكله مفكرني عملت عملية تجميل وواحد صاحبي بيقولي ده الدكتور الي عملك العمليه مبدع وهما ميعرفوش مين الي اعظم من الدكتور الي عدلي انفي من بعدها علمت ان ربنا كبيررررر وبيسمع بكاء العبد عند الطلب من بعدها التزمت وقولت ربنا اعطاني الي كنت نفسي فيه لازم بقى مزعلهوش مني تاني وبفضل ربنا التزمت مع ربنا والناس كلها بتقولي النور نزل فى وشك بعد التزامك والله ياخي من بعدها عرفت ان الدعاء لربنا شئ عظيم جدااااا فانت غني عن بشر يعملك عمليه وممكن تفشل ويبقى شكل مناخيرك اوحش ويبقى حرام جرب تددعي الرحمن الرحيم الذي يسمع كل دعاء البشر المؤمن والكافر وشوف كلامي صح ولا غلط ولكن مش من يوم تذلل لله كل يوم واسجد له واقترب اليه فانك اذا رضيت الله فسوف يرضيك الله برحمته ويعطيك ماشئ وان كنت بعيدا عن الله فهذا يكون سبب فى عدم ثقتك فى نفسك ويجعلك فى ضنك وخنقه وهذا ليس كلامي بل كلام رب الارباب (ومن اعرض عن ذكري فان له معيشة ضنكا ونحشره يوم القيامة اعمي قال ربي لما حشرتني اعمى وقد كنت بصيرا قال كذالك اتتك ايتنا فنسيتها وكذلك اليوم تنسى ) صدق الله العظيم ) فان دعوت الله ولم يعطيك ما طلبته فى الدنيا فتذكر ان هذه الدنيا ان هي الا لعبا ولهو وتفاخر بين الناس وتذكر ان الله بدعوتك اليه ان لو لم يعطيك ما طلبته فى الدنيا فسيعوضها لك ى الاخره فاختر انت متاع الدنيا ام الاخره؟ الدنيا ان عشت فيها فلن تزيد عن مائة عام او اكثر قليلا لكن الاخره حياه ابديه واسئل الله عز وجل لك ولكل من عم عندهم اشياء فى جسدهم تبكيهم على انفسهم ان يعطيكم ما تريدونه فى الدنيا او يعوضكم فى الاخره والسلام عليكم ورحمة الله وبركاته
انا بدات اتاقلم يا جماعه ونسيت موضوع العمليه والله فى ناس بتقولى انت وسيم وشكلك حلو وناس بتقولى مناخيرك لايقه على وشك المهم انا قررت مش هعملها ومش هعدل فى خلق ربنا والراجل او الانسان عموما مش بشكله انا اقتنعت بكدا الرجل باخلاقه وباحترامه وبتدينه والتزامه وبعدين حتى لو ده عيب فيا انا راضى بيه وخلاص م بفكر فى موضوع العمليه ده خالص واهمحاجه ان ربنا يكون راضى عنى وشكرا لكل ردودكم وارائكم
والله يا غالى انا كمان تعبت ومش قادر استحمل وبفكر اروح اعملها مع انى حاسس ان الناس هتتريق اكتر ما كانت كبيره والنظرات هتكون عليها اكتر من الناس اللى حوليك وكمان كان فى صحابى اسمه اسعد بن عرفجه قطعت انفه اذن له الرسول بوضع انف من ذهب يعنى هو مكنش يقدر يتعايش بيها فاذن النبى له وكمان العمليه مش للتجميل لكن عشان نقدر نتعايش مع الناس والله يا جماعه بالذات الانف او عموما اى حاجه فى الوش بتكون محرجه جدا لانك مش بتقدر تداريها خالص بالاخص الولد لان البنت تقدر تصغرها بميكاج وكفايا الكلام اللى بناخده الواحد بيكون راكب مثلا اوتوبيس تلاقى اتنين وراك بيشاورو على مناخيرك ويضحكو دى حاجه تحرق دم اى حد فربنا يسامحنى لو كانت العمله هتغضب ربنا بس والله انا حاسس ان ربنا هيسامحنى لانه عارف انها ضررها كبير جدا عليا انا كنت بتكسف اسلم على خالى وعمامى وابص فى وش خوانى والله انا طول عمرى لما اكلم حد افضل باصص فى الارض لدرجه ناس تقول عليا انت خجول اوى اوى وناس تقولى يابنى انت راجل بتتكسف ليه مع انى والله ما بتكسف دا انابجح موت بس لو من غيرها هههههههههه
طيب تعرف إنى بحب البنت اللى ليها -ضب-
وومكن اوى بنات بتعجب بالولاد اللى ليها -مناخير كبيره-
وانا مناخيرى كبيره نسبياً كمان 😀
بس عادى كل واحد عنده عيب ولو مفيش عيب من الخارج يبقى أكيد فيه من الداخل
ولازم وأنت بتكلم أى حد تبقى واثق من نفسك لإنك مفكش حاجه غلط بالعكس إنت محترم جداً 🙂
طب انا بنت وعادي مناخيري كبيره بس في حاجات تانيه بتغطي ده وشيفه اني بعجب اي حد غير ان الانسان باخلاقه وبدمه يعني لما يكون اسلوب محترم ودمك خفيف خلاص وشيك وكده يعني صدقني عادي خالص انا عمري ما فكرت اني اعمل عملية تجميل لاني حسه اني حلوه وبعجب اي حد .وهقولك معلومه لما تكلم حد بثقه فنفسك بتكسر عنيه وميقدرش يطلع فيك عيب لكن لو حسسته انك محرج او مكسوف هيلاحظ العيب اللي فيك
شكرا على الردود بس بالنسبه للعمليه محتار يا جماعه بجد انا مش عايز اغضب ربنا وفى نفس الوقت بقول ده مش تجميل ده تعديل مش عارف اعمل ايه لانه حاسس ان الموضوع ده ماثر عليا نفسيا واوقات ببقى عادى مش عارف انا محتار والله
طب ما احنا كلنا عندنا ديفوهات ف شكلنا كلنا علفكرة عندنا ديفوهات يعنى انا مثلا صغيرة الحجم جدا جدا يعنى انا24 سنة طولى 149 ووزنى حوالى 43 كيلو وطبعا الامر ما يسلمش من التاليس يعنى بيقولو عليا انى مش باينة م الارض ولازم لى مكبر عشان يشوفونى وجوزى هيدور عليا بملقاط وكدا يعنى بس دا مش معناه انى اتعقد او كدا لانه الناس اللى عارفينى كويس بيقولو عليا شخصية محترمة جدا وانى امورة ودمى خفيف وعسولة شوفت بقى انه فيه ابعاد كتير للبنى ادم مش شكل وخلاص؟ وبعدين كلنا بنتعرض للتاليس الطويل بيقولو عليه هيخرم السقف والقصير مش باين م الارض والتخين بيمشى بالدحرجة والرفيع بيشوك وهكذا ف متحطش ف دماغك
شوف يا ماو أنا كنت زيك بس عملت عملية شفط دهون من مناخيري و بقت زي الفل و مية مية و مش غالية الكورس كلة بيتكلف 1000 جنية و بعدين صحابنا فاهمين غلط لأن أنا حصل معايا مواقف كتير كان ليا زمايلي بنات و أنا بطبعي بضحك كتير فكانوا بيضحكوا معايا فمرة بيطلعوا أسامي علي بعض و انا جيت فلقيتها بتقول وسع لعم منخريوس وصل طبعا ضحكت في و شها وكان نفسي أقتلها و بعدين موضوع العملية أتحول من فكرة لواقع و رحت عملتها و أهلي عارفين و اللي قالي دي خلقة ربنا و اللي قالي أسف أنفخ شفايفك و خد تخفيض و كنت بضحك و اللي جوايا جوايا و عملتها و علي فكرة بتتعمل في نفس اليوم يعني ممكن فخلال أسبوع تعمل 7 جلسات و بعد أربع تيام رحت الكلية عادي خالص زمايلي قالولي أمال فين مناخيرك قولتلهم كالتها القطة و قعدنا نضحك و حتي زميلتي اللي بالي بالك قالتلي مكنتش عارفة أنك جميل بالشكل دة عارف المشكلة إنك يبقي شكلك حلو بس طالعلك خازوق في نص وشك هههههههههههههههههه أعمل العملية و طير يا معلم أصل دي بصمة دا انا لما حد كان بسأل عليا كان يقولك أبو مناخير كبيرة؟
على فكرة أنا زيك بالظبط منخيرى كبيرة بس الحمد للة راضى ومبسوط جدا من جوايا علشان ربنا هو اللى خالقنى كدة ….أما بالنسبة لموضوع البنات فتأكد أن البنت ميهمهاش الشكل أد مايهمها شخصية الراجل و البنت اللى تبص على الشكل و تغفل الشخصية دى بنت سطحية ومتستاهلش أنك تتكلم معاها اصلا……..فكن قنوعا وراضى يا اخى
انت راجل يعنى عادى وبعدين الكمال لله وحده بس المهم تبقا راضى بشكلك واتعامل عادى انا مش شيفة مشكلة فيها احمدربنا
وماله متعمل عملية وبالمرة انفخ خدودك وكبر شفايفك يا عم الشيخ ابن باز رحمة الله عليه قال ” أسأل الله أن يرد لي بصري ولو لحظة لأرى الجمال والجبال” احمد ربنا على اللي انت فيه احنا كرجالة لما بنشوف بنت مش حلوة بتبصلنا ولا حاجة بنضطر اننا نبتسم في وشها عشان منحسسهاش ان هي وحشة لإن الموضوع ده بيتعبهم جداً انما احنا كرجاله الموضوع ده لا يعنيلنا أي شئ.
وتعمل عملية لية ربنا خلقك كدا لية الاعتراض على حكمة ربنا استغفر ربنا وهو هيكتبلك بنت الحلال اللى هترضى بيك على حالك كدا ومتبصش للى احلى منك بص للى اقل منك هتلاقى نفسك احلى منهم وساعتها ادعى ربنا انة خلقك كدا ومخلقكش زى غيرك
أنا رأيى إنك تتقبل شكلك وتتعايش معاه عادى وحاول تجد فى نفسك مميزات حلوه وضعها أمامك وكن واثق فى نفسك أما بالنسبة للبنات ففى بنات كتير مابتهتمش بالشكل الخارجى أكت من الشخصيةنفسها ولو قبلت واحده مرضيتش بشكلك رغم أخلاقك الكويسة تبقى أكيد مبتفهمش حاجةوتبقى انسانه سطحية
الرجل مش بشكله الرجل باخلاقه ودينه وشخصيته ووظيفته ومركزه وبعدين اغلب الرجال انوفهم كبيرة هى دى ملامح الرجل الشرقى يعنى لو رجل وسيم وملامحه جميله لكن اخلاقه زفت او بيشتغل شغله مش كويسه او معندوش دين مش هتلاقى حد يبصله او يعجب بيه ابدا ركز فى اشياء اهم ومتفكرشى تعمل عمليه ولا اى حاجه فى نفسك متغيرش خلقه ربنا اللى اختارها ليك ومتكسفش من نفسك ابدا اعلم ان النساء يحبوا شخصيه الرجل ولى ملاحظه يا ريت تبطل كلام البنات فى الشات لان ده حرام وعلشان تكون محبوب لازم تكسب رضا ربنا ووقتها هتكون اجل رجل فى العالم بتدينك واخلاقك وطاعتك لربنا
الحل الوحيد انك تعمل العمليه لو هي فعلا ملفته جدا لازم عمليه وهي طبعا حلال ايه الحرمانيه ال فيها ومافيش حل غير كده ……………