انا كنت بحب واحد كنت بسمع كلامه فى كل حاجه عمرى ماكنت برفضله طلب هو بيقولى انه بيحبنى وكل اللى حواليه بيقولوا انه بيحبنى اوى بس هو بيبعد عنى ويقرب براحته وقت ماهو عاوز بس انا اخدت منه موقف وبعدت عنه وبعتله مسج قولتله زى مانت تقدر تبعد عنى انا كمان اقدر ابعد عنك وزى مانا بهون عليك انت كمان هاتهون عليا مهما كانت درجه حبى ليك ها ابعد عنك لو حسيت للحظه انى مفرقش معاك ولو انت تقدر تعدى يوم او يومين من غيرى ماتكلمنى انا اقدر اقضى عمرى كله من غير ما اسمع صوتك او حتى اشوفك باى بس حبيبي اتصل بيا كتير اوى وبعتلى مسجات كتير علشان نرجع تانى بس خلاص هو انهى من حياتى ومبقاش ينفع اننا نرجع تانى بس هو بيكون موجود فى كل مكان انا اكون موجوده فيه انا مبقتش عايزاه وزهقت ومليت منه بس مش عارفه اعمل ايه تانى قولتله انا مبحبكش ومبقتش عايزاك ابعد عنى قالى مش هبعد عنك مهما تعملى اعمل ايه
انت ماقلتي سبب زعلك منو غيرانه بيبعدعنك ممكن انه مش عاوز يضايقك بكثرة الاتصال اوانومشغول في عمله وكل انسان بظروفه انامن رايي اعطيه فرصة اخيرة واستحملي شوي عشان ماتخسري انسان حبك من قلبه صعب يتعوض وربي يصلح حالكم
انا عشت مشكلتك دى بالظبط وانا بنصحك انك تبعدى عنه خالص وهو عقابه الوحيد انه يعيش محروم منك طول عمره لان الاشكال دى مش بتتعلم من اخطائها وعارفة لو رجعتيلوهحيسيبك تانى اسالى مجرب حتقوليلى يمكن يعوز يتجوزنى لو كان حيتجوزك كان عمل حاجة من زمان صدقنى جمدى انتى بس قلبك وكملى فى البعد وان شاء الله ربنا حيرزقك باللى يقدرك ويبقا احسن منه ويحطك فى عينيه
ادي لنفسك فرصة تانية وشوفي فعلا انتي بتحبية ولا خلاص هو لو رجع هيكون احسن من الاول حاولي تفكري صح
نصيحتي لك أنك تستمري في البعد وتوريه انك مش بتلعبي وانك جاده فلو كان نصيبك وكان جاد اكيد في يوم هيجي ويطلب ايدك ولو كان بس بيلعب فمش هيستمر واني بعيده وهيخلع وهذا احسن عشانك وعشان ما تخسريش كرامتك على واحد ما يستحقكيش
wadboram قلت اللي انا كنت هقولو
يا اخت اخرتها ايه ؟
هل اللي مكتوبلك تتزوجيه يستاهل منك ده؟
هل هذه ثقت اهلك فيكي انك تخرجي وتحبي وتقابلي ؟
طيب موقفك ايه من ربنا اما يسئلك يوم القيامه عن عمرك في ما ابليتيه؟
بصي انتي كبيره وعارفا الصح من الغلط
اختاري يا بنت الناس الطريق اللي عايذا تمشي عليها وفيها
الطريق اللي عايذا ولادك يتربو عليها
وسلام
الأخت العزيزة….ايه اخره الحب ده؟ و هل سيرتبط بك رسميا و لا بتقضوا وقت لطيف؟ … النصيحة اذا كان بيحبك يبقي يتقدم و يخطبك