السلام عليكم ورحمة الله وبركاته
انا عندى 19 سنه
و مشكلتى انى طول عمرى عائلتى بيسخروا منى ويضحكوا عليا بسبب انى مش بعرف اتكلم وبتهته فى الكلام وده
مسببلى مشاكل نفسيه كبيره اووووى مع انى مع صحابى مش ببقى كده وبتكلم عادى وبهزر وهما مش بيلاحظوا حاجه عليا
ومعرفش اليه اعرف اتكلم مع اى حد عادى الا لما اجى اتكلم مع عائلتى كل لما نتجمع مثلا كلنا فبنقعد عادى ويتكلموا فانا اجى اتكلم
واقول حاجه او اعلق على حاجه هما قالوها الاقيهم يفضلوا يضحكوا عليا وماما تقولى البت دى هبله ومبتعرفش تتكلم بتحرج جداا وبعمل حاجه من الاثنين ياما بسكت خالص أحط راسى فى الارض ومش بتكلم تانى او بسيب الاوضه اللى هما فيها واروح اوضه تانيه لدرجه دلوقتى
لما بيجى حد منهم مش بقعد معاهم اصلا يدوب اسلم عليهم واتحجج بأى حجه وامشى ومش عارفه اعمل ايه
ارجوكم تفيدونى لان الموضوع ده مسببلى مشكله نفسيه كبيره اووى
ثقي في نفسك .. تكلمي بهدوء .. حاولي تكرري الكلمات او العبارات والجمل اللي ماتعرفي تنطيقها كثير كرريها دايما .. حاولي توقفي قدام المراية وتتدربي انك تلقي مقال .. حاولي قبل ماتبي تقولي الجملة اول شي قوليها مع نفسك بعدين قوليها بصوت عالي .. الله يهديهم اهلك المفروض مايضحكو لئن كذا الحالة عندك تزداد حالتك مثل ولد خالي عمره 10 سنوات انا اشوفه لما يتكلم معي او يتكلم بهدو كلامه يكون طبيعي ومفهوم واذا صار يتهته ما احاول ابينه او اقوله يلا انطقها لئن حالته راح تزيد بس اخليه الين هو يقولها بنفسه والاحظه لما يكون مسرع يصير كلامه ابدا مو مفهوم وكمان اذا احد ضحك عليه او قاله يلا شاطر انطقها بشويش هو راح يخاف ويضغط على نفسه عشان ينجح وينطقها بس هذا يزيد الحالة سوء .. واسفة اذا طولت بس حبيت اوضح للناس مثال عشان مايعملو كذا للي عنهم نفس حالتك وشكرااااااااااا
الحل الانسب انك تتزوجي , وتتركي المجتمع الي عايشة فيو وتنتقلي لمجتمع تاني مختلف تماما ,مع الوقت بتتحسني وبتقوى شخصيتك واهلك بيتفاجؤا فيك .
بصى انا عندى 18 سنة و عندى مشكلة ان صوتى رفيع حبة يشبه صوت الاطفال و برده فى ناس كتير اوى كانوا بيتريقوا عليا و يقولوا انى بعمل كدة قصد سهوكة يعنى بس انا بعد كدة وقفت مع نفسى وقفة و قلت انا كدة وهقبل نفسى كدة و مبقتش اهتم لراى الناس و انت كمان لازم تعملى كدة وخدى الموضوع بهظار يعنى انا اما يجى حد يقولى اه الرقة ده كلها بقوله اه الغيرة بقى و بضحك مع العلم انى فى الاول كنت بعد اعيط
مش لوحدك اللى ممكن عندك صعوبة فى الكلام معظم الناس وكدة وبيبقى سبب حالتهم النفسية وزى ماحد قالك هنا فترة وهتروح باذن الله وعادى عيشى حياتك شيليها من دماغك واللى يتريق عليكى كما تدين تدان سيبك منهم
بصى متفكريش في الموضوع دا خالص .. انا كنت برضة زيك زمان بس مع الوقت اقدرت اخف الموضوع ده قوى وبقيت بتكلم بسرعة ناو .. الموضوع ده هيخف جدا واهلك دول ممكن تقليلهم ان اسلوبهم دا مفيهوش احترام ليكى ومش صح او فعلا قاطعيهم لفترة علشان مهما كان لازم الانسان يراعى شعور الانسان لان محدش كامل فينا وكل واحد في عيوبة
بصى طول مانتى حاطة الموضوع فى دماغك هتهتتهى وانتى قاعدة معاهم ومش هتعرفى تتكلمى بس زى ما قالت واحدة هما فعلا الاهل كدة مهما قالولك صدقينى هما مش بيبقوا قاصدين يجرحوكى هما فاكرين انهم كدة بيهزروا معاكى انتى لما تلاقيهم بيتريقوا عليكى قوليلهم لو سمحتوا متهزروش معايا كدة وسيبيهم وقومى مرة على مرة هيحترموا حاجة زى دى ومش هيتريقوا وهيخافوا على مشاعرك
خدى خطوة تريحى بها نفسك:انك يا اما تردى لهم الاساءة-يا توصلى لاهلك يقولوا لهم انك مقاطعاهم على تطاولهم عليكى-و ان لما يشوفوكى ف اى مكان او حتى لو جولك زيارة بالبيت ما يسلموش عليكى لا يتحرجوا لانك مش حتردى لهم السلام-اياكى تبلغى انهم لازم يعتذروا لك لانهم ممكن يبلغوا او يقولوا لك اتفلئى-فجبيها من النقطة دى-و حاولى تعرضى على اهلك انهم يقاطعوهم-و لو اهلك ما وافقوش فاعملى كده-و ان لو اى حد جه منهم البيت حتعدى عادى ف بيتك و تتمشى ف الاوض لو عايزة-انشله الاوضة ال هما فيها و مش حتسلمى عليهم-و لو اى حد تطاول عليكى حتشتميه و تطرديه من البيت-و تخلى اهلك او حد مشترك موثوق فيه انه مش حيحرجك و حيسمع لك يبلغهم الكلام ده-بس لازم اهلك يعرفوا انك حتعملى كده لا حد يبلغهم الكلام ده و يتفاجئوا و يتخانقوا معاكى-تمسكى بكلامى:المؤمن القوى خير و احب الى الله من المؤمن الضعيف-و لو ما عملتيش خطوة فده حيبقى جبن مش تعفف-التعفف بس مع الاطفال و المتخلفين عقليا
ههههههههههههههههههههههه عادى جدا انا اهلى مبهدلنى هما الاهل كدة وعلى فكرة مش بيقصدو بس انتى حساسة بزيادة بصى عاوز نصيحتى فكك من الاحساس والرومانسية الزيادة وخليكى بالبلدى رزلة ورزلى عليهم ساعتها الكل هيخاف منك لاكن هما سايقين فيها عشان انتى بتسكتى فعرفو نقطة ضعفك على فكرة انا عندى مشكلة ان حرف السين عندى بنطقة (ث) فاهلى بيبهدلونى على كدة بس انا اية بقى بدخل عليهم واطلع الف عيب فى كل واحد واخلية ميقدرش ينطق تانى معاية
السلام عليكم
المشكلة دي غالبا بتبقي يا إما بسبب التوتر أو بسبب الاحساس بالكذب او الندم .. وغالبا الواحد بيكون مع صحابه واخد راحته … وطبعا عليكي بالصحبة الصالحة
وبالنسبة لتريقة الاهل فببشرك إن كل دة في ميزان حسناتك .. وكل حد بيسخر منك او بيتريق عليك في غيابك او في حضورك بتاخدي حسنات ولو ما عندهمش حسنات بتاخدي سيئات … ثانيا اكيد هم خايفين عليك ومفيش ام بتكره بنتها بس هي متضايقة انك كدة او شايفة انك بتحرجيها … ما تزعليش … بس هي متأثرة بمبادئ المجتمع… عرفيها وقوليلها ان دة بيكون غصب عنك وان الحياء زينة للبنت وان كدة صح … … طبعا الحياء زينة البنات ودي حاجة حلوة في البنات جدا واستمري علي كدة .. وفيه حديث للنبي صلي الله عليه وسلم معناه ان الحياء واللخفنة في الكلام دي من الايمان بينما اللباقة احيانا بتبقي من النفاق وبتودي في داهية … وخصوصا الحياء مهم لو كان فيه رجالة او ولاد موجودين … وحاولي ما تظهريش اساسا قدام حد من العائلة ليس من محارمك ( أي حد يجوز لكي الزواج منه يعتبر محرم ) …. حاولي تعيشي عادي … وما تتوتريش … واستعيني بالله وادعيه انه يخلصك من كدة … الحكاية مش صعبة
وعليكم السلام .. يجب اولا ان تحددى هل بالفعل لديك مشكله عضويه تسبب لك هذه التهتهه فتذهبى لطبيب وتبدأى فى علاجها… رغم انى اظن انك لا تعانين من اى مشكله الا المشكله النادره فى تلك العصر و هى الحياء الذى لا نراه الا نادرا فى بنات اليوم لذلك اصبحتى اعجوبه المهم هنا التفرقه بين ان كان هذا الحياء بسبب أو بدون سبب وما هوالسبب فالمشكله لديكى انتى وانتى التى فى يدك حلها وبسهوله فهو لن يساعدوكى فى حلها ولو حصل وغدا جميعهم توقفوا عن ذلك لارضائك هل متأكد ان اى جماعه تجلسى بينهم بعد ذلك فى الجامعه او العمل لا تتعرضين لنفس الوقف؟؟!!!! بل لعله الافضل ان تتعرضي لذلك الان قبل الجامعه والعمل والخطوبه والزواج
الحياء المستحب والذى هو من شعب الايمان الحياء الذى له سبب شرعى واضح ككلامهم فى امور خاصه بأمور محرجه……الخ اما لو كان الحوار الذى يدور عادى فيجب ان تجبرى نفسك على الجلوس ورفع رأسك الى اعلى والنقاش معهم فيما يتكلمون فأنتى ليس لديكى الثقه الكافيه فى نفسك فأستردى ثقتك فى نفسك وأبحثى عن نفسك ( ما تقرأ عنه — ما تتعلميه — ما تستطيعى اجادته — اجمعى المعلومات المفيده التى لا يعلمها فى الاغلب كل من حولك رغم اهميتها ) فستجدى نفسك بمجرد ان تبدأى بالكلام سيتوقف الجميع عن الكلام ليستمع اليك حتى ولو كنتى فعلاً مريضه وتهتهتى بل وتهبهبى فوالله بعلمك وثقتك فى قدراتك ستجبرى كل من حولك على أحترامك –فبدأى من الان أختبرى نفسك وقيميها وشوفى ان كانت فعلاً تحتاج الى دروس تقويه ام لا استعدادا لاول جلسه ستكونين انتى من فى انتظارهم لكى تجبريهم على سماعك ومن منهم يحاول مقاطعتك فكأنه غير موجود ولا تصمتى ابدا الا بعد ان تنتهى من سرد معلوماتك الا لمن سيشارك فى الحوار —وان شاء الله يكون هو يوم مولد جديد لك —تحياتى