انا شاب حاسس النا فاشل فى كل حاجة فى المدرسة وبعد المدرسة انا عندى 26عشرون عاما معملتش فيهم حاجة ولة صحاب وحبيب مش عرف واللة انا فكرت اعلان عليكم مشكلتى شوفولى حل دة عيب فية ولة الدنيا مش عوزة تضحك بشتغال وباكسب نفسى اشف واحدة بتحبنى انا مش بتحب المظهر الكدابة بجد انا تعبان اوى وشكرا انا مستنى الرد
هموم الشباب
حاسس بحمل ثقيل واني فاشل
اضيف بتاريخ: Saturday, November 9th, 2013 في 01:40
كلمات مشاكل وحلول: شاب, هموم الشباب
إجابتي هاتكون غريبة عليك
فيه برامج كمبيوتر مخصصة تعمل تغذية لشخص افتراضي (روبوت) تبني له حصيلة لغوية كل يوم تقول له كلمة (مثلاً) يبقى الشخص الافتراضي اتعلم منك الكلمة دي وتبقى في ذاكرته وكل ما يتعلم كلام أكتر كل ما الشخص الافتراضي بيكون أذكى ويكون صديقك تسأله وهو يجاوب عليك .. بيطلق على النظام دة Artificial Intelligence الذكاء الاصطناعي المصطلح دة قديم جدا وعلاقتها بسؤالك ان اللي ابتكر النظام دة انسان بمعنى الكلمة ووضع يده على صفة الانسان .. وانت خارج لمكان جديد عشان تشتغل تشتري طلبات تقابل ناس خليك زي الروبوت اللي قلت لك عنه “خام” متعرفش قواعد الدنيا عشان حماسك يزيد .. اتعامل مع زملائك معاملة سطحية ودة اسلوب تربوي على فكرة ومقصدش منه تبقى وحش معاهم انت عليك رد الفعل البسيط بس .. سلام عليكم وعليكم السلام ورحمة الله وبركاته .. زميل يحترمك ويقدرك ابتسامة خفيفة كل ما تبني سمعة في المكان الي انت فيه كل ما تتعرف أكتر ويبقى لك مكانة الالتزام أهم حاجة عشان تنجح على الأقل ضميرك مرتاح عملت اللي عليك والباقي على الله .. بمرور الوقت هاتحس بقيمتك ومهاراتك الحياتية تزيد من غير ما تعرف انسان تاني خالص مش لازم تدور وتلف لأ انت خليك في مكان واحد يصنع لك كل اللي تتمناه وراحتك النفسية هاتخليك انسان موهوب شوية شوية وتعرف تتكلم وتاخد حقك .. إوعى تضيع وقتك تستنى رضا الناس .. إوعى تركز انك تكلم زمايلك تستعرض عليهم بس “ممنوووع” .. إوعى تستنى حب الناس .. علاقتك بالجنس الآخر دروع بشرية بتحميهم يعني راجل يعني جدع .. السهوكة ضعف إيمان :)) زي الرشوة والفهلوة ضعف إيمان وثقة بالنفس ان رزقك يجي لحد عندك الحب بييجي لوحده من عشرة العمر