انا عمري 14 سنة و طولي مترين و وزني 150 وانا عريض جدا لدرجة اني بتكسف احيانا من سني و اي حد بيشوفني بيفكرني في الجامعة او بشتغل وانا كنت عملت تحاليل كتير اوي و طلعو مظبوتين والعائلة مهماش طوال يعني انا اطول واحد فيهم وبرضوا رجلي كبيرة يعني انا مقاسي 56 وكشفت عند دكاترة كويسين جدا بس قلولي انت سليم ولسه هطتول اكتر واكتر بس منيش عايز ابقى اطول من كدا عشان شكلي هيبقى غريب ومن ناحية الوزن جربت اعمل ريجيمات كتير اوي والعب رياضات لكن مفيش فايدة وانا نفسي ابقى زي اللي في سني وكلوا بيخاف مني جدا عشان ضخم اوي فعمري مبلاقي اصحاب و انا بجد محتار ومضايق من نفسي اوي بس بقول الحمد لله مبسخطش يعني ومتشكر جدا وربنا يجازي خير كل اللي يقدروا يساعدو ومعلش اني كتبتوا في القسم ده عشان مش لقيلو حاجة تانية
هموم الشباب
مشكلتي انى طويل جدا
اضيف بتاريخ: Thursday, January 12th, 2012 في 17:59
كلمات مشاكل وحلول: هموم الشباب
انت عملاق طويل جدا وضخم حلو كقييير طولك انا طولي 150سم عمري 36سنة
عادي حكايه الطول وقصر مفهاش حاجه انا قصير طولي 158 وعندي واحد في نفس الفصل اتنين متر ومفهاش حاجه وهو أعز صاحب ليا انا عندي 15 سنه وهو برضو 15 فميه ميهمكش نظره الناس في حاجه
والله انت حاجه مميزه حب طولك حب نفسك عادي يعني متحطش في دماغك
انا طولي 180 س وداخل علي 18 سنه واكيد طولي هيذيد 5 س علي الاقل وهبقي حاجه حلوه
حب نفسك ده ربنا الي عيزك كدا
السلام عليكم
.انا عمري 17 سنة و طولي متر و تمانين هل طولي مناسب أتمنى الرد
اخي الطول عز وصدقني اغلب النساءتحب الرجل الطويل ممكن تستغل طولك الفارع ده في ممارسة كرة السلة وتبقى لاعب كبيرومشهور بعرف واحد صديق من ايام الدراسة كان فاشل في المدرسة وماكملش تعليم وكان متميز في طول القامة تقريبا طوله 195سم اختفى فجاة وبعد فترة طويلة قابلته في احدالاندية الرياضية وعرفت انه لاعب كرة سلة وعنده عقود احتراف بملايين الريالات
لاتشرب حليب لاتاكل جبن يتوقف نمو جسمك تقريبان
عندي حل الك تصير قزم لازم تروح للدكتور وخلي يسويلك عمليه يكص رجليك من فوك ويخليك رجلين اصطناعيه وتصير قزم بس تبقه ايديك طول اله دكصهن همينه وبعدين بشر رجله 56 شنو رجل لو حوت اسمع كلامي وكص رجليك وذبهن بلبحر بلكت يستفادون بيه الغواصين يشدونهن برجليهم هههههههههه
اعمل نفسك ميت نته طويل وعمرك 14 نشاز يمكن تصير 3مترات اني عمري 19 وطولي 179
بالنسبة للطول فهو عادي وكل البنات بيحبو الطوال و الطول حلو لكن الوزن ممكن يجيب أمراض بعدين☺☺
وهى دى تعتبر مشكلة ؟؟؟؟؟ يا عم انت تروح لمدرب فى القاهرة ويدربك وتطلع على برة فى المصارعة او القتال الحر بس تبقى عضلات وتبقى شكلك فااجر بالعضلات وربنا هتبقى ما ليك تلاتة حل اسمع الكلام وشوف
ماشاء الله طب ما انا طولى 195 ووزنى110 وجسمى جميل والبنات والحريم هتتهبل عليا وشكلى جميل نسق جسمك وسيبك من الناس يابنى انت وحش اى حد يكلمك دوسه برجلك
على فكرة ما فيش اى مشاكل ما تسمعش كلام الناس (كلام الناس لابيقدم ولا بيأخر ) وبعدين انتا زعلان لية طيب منا كمان عندى 15 سنة وطولى 184 سنتيمتر ووزنى 109 كيلو وليا اصدقائى طولهم واحد 186 وواحد 187 وواحد 191 وعايشين عادى خالص وما فيش مشاكل ومالناش دعوة بكلام الناس
والله عادي انا عندي 17 سنة وطولي 185 وعريض شوية بس بحس اني ضخم اوي بس بلاقي ناس اطول واعرض مني ومقاسي 46 وفعلا انا مدايق بس ده ربنا بقا الي خلاك كدة مش الناس واما الصحاب انا صحابي بيقولولي انت ضخم وعادي يعني ويقولولي جسمك مش سنك والكلام ده بس عادي بقا
انت لازم تخس
يا مان دى ميزة كبيرة اولى انت ممكن تمشى فى الشارع وانت حاسس انك احسن من الناس الى حوليك وكمان متفكرش انك كدة حاجة شاذة باعكس عيش حياتك واستمتع بيها وربنا يكرمك ونصيحة متفكرش فلى البنات هههههههههه
اولاًحكاية الطول دي من عند ربنا يعني ما تعترضش عليها وبعدين انا عندي 20 سنة وطولي 170 سم وخايف اثبت علي كدة وبلعب عقلة كتير و بعدين الحكمة تقول” القصر عار ولو من ذهب و الطول فخر ولو من خشب”
وبعدين صفاتك الجميلة دى ممكن تخليك بفضل الله رياضي مشهور جدا اذا كنت بتحب الرياضة وربنا يوفقك
انت ليه زعلان من كدة؟؟؟؟اصلا احلي صفة في الرجالة انهم يبقوا طوال الطول نعمة عظيمة من عند ربنا انت ليه بترفضها وبعدين مالكش دعوة بحكاية السن انا دايما اللي بيشوفنى بيدينى اكبر من سنى بكتير ومابازعلش بالعكس اماالانسان يبان كبير احسن مايبان عيل ومقاسك ليه مش عاجبك؟؟؟؟علي فكرة ده الطبيعي بتاع الاولاد عامة اللي رجليهم بتكون صغيرةشوية هما البنات ودى حاجة ماتزعلش بالعكس دى المفروض تكون في اى ولدوعرضك ازاي مضايقك؟؟؟؟بقي حد طايل انه يكون عريض طب ده حتى هى دى الصفات الطبيعية الجميلة اللي بتكون عند الاولاد صدقنى اللي فيك مزايا محدش يطولها مش عيوب ثم ان سنك هو سنك ومالوش دخل بجسمك فانت لسة ولد صغير عيش سنك وافرح والعب وصدقنى دى مزايا جميلة جدا
يا عااااالم الواد بيقول مترين وهو ب14سنة يعني 21 سنة هيخلص النمو تيقى كام ثلاث امتار ومقاس 56 في رجلو ووزنو 150 في 14 سنة؟؟؟؟؟؟؟؟؟؟؟؟؟؟؟ دنا في 63كيلو في 165 سنتمر وعاوزة اخس وعندي 18 سنة اخييييي في عملية بتتعمل بالرقبة اسل عليها اي دكتور عظام بتوقف النمو
انت نموك مش طبيعي وكده انت عملاق بالنسبة لسنك شوف دكتور عظام بسرعة
عادى على فكرة انا كمان عندى 14 سنة عيش حياتك عادى و الطول هيبة
البنات بتحب الطول
انا طولى 170 ورفيعة وبلعب سلة وسباحة وعيشة حياتى عادى وليا اصحاب بنات اطول منى عيش حياتك عادى والعب سباحة وسلة
متحولش تبأ حد تانى غير نفسك
على فكره انا عندى واحد صاحبى ذيك كده وضخم جدا و فى الصف الثالث الاعدادى وبعدين دى ممكن تكون حكمه من عند ربنا (**ومتحاولش تبأ اى حد تانى غير نفسك**)
متدياش خالص لان هذا بارادة الله عز وجل واللي مش بصحبوك دول كبر
انت ممكن تستغل دة تلعب كرة سلة وصحابك لية يخافوا منك
دة انت جسمك حلو وفكر يمكن ربنا خلي جسمك كدة لهدف وممكن يكون دة نعممة ن ربنا بس انت خليك في جيم وحاول تلعب سلةوبعدين يا دة احلي حاجةالطول انا بنت وبقولك البنات بتموت في الطول والعرض
ههههههههههههههههههه الله يا شيخ ده احلى حاجه في الراجل انه يبقى طويل وعريض .. والله العظيم مش بكدب عليك اختى شافت واحد في السوق طويل بزياده قلتلها بصي قالتلي نفسي اللي يتقدملها يبقى كده قلتلها بس ده طويل اوى وانتى قزعه قالتلى ماهو كده احسن عشان ابقى ماشيه جنبه كده والكل يحس ان هو الراجل وحاجات غريبه كده ابتديت اشك انها عارفاه هههههههههههه وحياه ربنا عادى انت مشكلتك في سنك بس انما لما تبقى عشرين سنه هتلاقي ماصوره بنات ضربت حواليك عشان طولك ده .. ولو عايز تقصر نفسك البس تيشيرت واسع عشان الضيقين هيظهروا طولك يعني تيشرت واسع وبنطلون واسع .. كان معايا بنت ضخمه كنت بخاف لا تيجي تضربني بس لما قربت منى وعرفتها لقيتها اطيب مخلوقه في الدنيا دي كلها وحبيتها جدا وانت لو قربت من الناس محدش هيخاف منك ولا حاجه وكمان الظروف اللى البلد فيها دي عايزه رجاله زيك يا صاحبي عشان لما تشوف الغلط تروح تديله بالشوز ههههههه 🙂 ربنا معاك
بسم الله ماشاء الله
الي فيك ده ميزه مش عيب
سنك صغير وشكلك راجل يعني انت متميز عن الي حواليك
دعم جسمك بالعضلات عن طريق الرياضه علي فكره وزنك مناسب انت بتقول ان طولك مترين
وحاول تستفاد بميزة الطول دي في لعبه زي السله زي الاخ ما قالك
ما شاء الله ربنا يحميك انت اشرب كل مشتقات الحليب وبكده تطول اكتر وتخش موسعه غينس لكن المشكله لما تتجوز هتتعب كتير اوي لانه البنات بشكل عام قصيرين ههههه
طيب ما تلعب سلة و الله هتكون كويس جدا فيها
على فكرة دي حاجة كويسة جدا انت تروح الجيم كتير و تعمل رياضة عشان هتظبط جسمك خليك مدمن رياضة و نظم اكلك و صدقني اما تكبر هيفيدك جدا لأنك هتبقى واحد طول بعرض كدة و ليه هيبة والله انت ف نعمة كبيرة و مش حاسس بيها ربنا يوفقك 🙂
استغل طولك فى شئ مفيد مثلا تلعب سلة و بعدين لازم متهتمش وتسيبك من كلام الناس
يعني انت هتكون عملاق وفيه حد يكره كده .. وممكن تبقي مشهور كمان … بس لازم تستغل جسمك ده في حاجه كويسه ….. وفيه حاجات كتير اوي مناسبه ليك ممكن تخليك مميز … ومش تزعل نفسك لان ده من عند ربنا يابطل الابطال ………………….. وانا اول واحد هقولك يابطل … شوفت بقي ..ز بقي فيه مشجعين ليك وانا اول مشجع بس مش تنساني لما تتشهر .. وابقي خلبني اتصور جنبك …ههههه ربنا يوفقك
شوف يا اخي انت ممكن نستغل طولك فيه حجات تفيدك وتكون مميز كمان يعني مثلا ممكن تلعب كوره سله هتكون ليك مستقبل عظيم فيها او كوره طائره متتكسفش من طولك فكر هتلاقي نفسك انت مميز عن غيرك
56 انت متأكد !؟؟ اكيد قصدك 46